جوزجان ده قره‌قُل تیریسی ساتووچیلری و سوداگرلریدن بیرقطاری، اوشبو ولایت ده قره‌قُل تیریسی بازاری کساد لیککه یوز توتگنینی تصدیقله‌یدیلر. اولر گه کوره، بوندن آلدین قره‌قُل تیریسی فنلند و دنمارک اولکه‌لری گه صادر بولر ایدی، بیراق حاضر صادر ایتیلیش جریانی توخته‌تیلگن و بازاری یوق دیر.
جوزجان ده قره‌قل تیریسی سوداگرلریدن قدرت‌الله گه کوره، سونگی کون‌لرده قره‌قُل تیریسی کسادلیککه یوز توتیب و کوپ مالی زیان کورگن.
او نینگ ایتیشیچه، قره‌قل تیریسی بازاری باره‌سیده دقت قیلینمه‌گن تقدیرده، اوشبو صناعت بوتونلی یوق بولیشی ممکن.
اونگه کوره: «قره‌قُل تیریسی بازاری حاضر صفر بولگن، سابق ۵۰، ۴۰ و ۳۰ دالر ایدی و حاضر هیچ کیم بیش دالر آلمه‌یدی، بولر جلاب‌لر قولی گه قالیب و خارج گه صادر بولمه‌گن تیریلر دیر.»
بیزلرنینگ فیسبوک صحیفه‌میزگه باش اورینگ!
جوزجان ده قره‌قُل تیریسی سوداگرلریدن باشقه بیری نظام‌الدین نینگ ایتیشیچه، مذکور ولایت نینگ بویوک انبارلریده قره‌قُل تیریسی ییغیلگن، بازار یوق‌لیگی و تیری نرخی پس‌لیگی باعث ساتووچیلر و ملی سوداگرلر کوپ مالی زیان کورگنلر. «حاضرگی کونده قره‌قُل تیریسی بازاری هیچ یوق، تیری ارزان برچه سوداگرلر نقصان کورگن، سیدمحمد اسملی بیر تجار قالگن او هم تیری‌لرنی ارزان ساتیب آله‌دی.»
جوزجان ده قره‌قُل تیریسی سوداگری مولان‌بای گه کوره، سونگی ایکی ییل ده قره‌قُل تیریسی نرخی مثل‌سیز درجه ده پس توشیب و چیت ایل اولکه‌لر گه صادر بولمه‌یدی.
او نینگ کوپه‌یتیریشیچه: «اسلام امیرلیگی دن قرضه بیریب و قره‌قُل تیریسینی خارج گه صادر قیلیش اوچون دقت قیلیشنی ایسته‌یمیز چونکه حاضر تیری نرخی کسادلیککه یوز توتگن.»
جوزجان ایکینچیلیک و چاروه‌چیلیک ریاستی مسئوللری، قره‌قُل تیریسی بازاری یوق‌لیگینی قبول قیلیب و قره‌قُل نسلینی اسره‌ش و تیریسی گه بازار قیدیریش مقصدیده سعی‌وحرکت قیلیش‌لریدن ایشانچ بیره‌دیلر.
بیزلرنینگ توییترده هم تعقیب قیلینگ!
جوزجان ایکینچیلیک، سوغاریش و چاروه‌چیلیک ریاستی نینگ حیوان‌لر سلامت‌لیگی و چاروه‌چیلیک آمری سمیع‌الله گه کوره، اوشبو ولایت ده قره‌قُل تیریسی بازاری اوچون مهم برنامه‌لرنی نظر گه آلیشگن و بیرین_کیتین عملی قیله‌دیلر. «قره‌قُل تیریسی بازاری یوق دیر و خارج گه هم صادر بولمه‌یدی و قره‌قُل تیریسی گه بازار تاپیش اوچون تلاش قیله‌یپمیز.»
سوداگرلر و قره‌قُل تیریسی ساتووچیلری نینگ معلوماتی اساسیده، مذکور ولایت نینگ انبارلریده ۵۰ مینگ قره‌قُل تیریسی ییغیلگن و هر بیر سوداگر ۱۰۰ مینگ دن ۸۰۰ مینگ دالر گچه مالی نقصان کورگنلر.
