افغانستان ده بیرلشگن ملتلر تشکیلاتی نینگ اورین باسرلیک هیئت دفتری (یوناما) باشلیغی و افغانستان اوچون بیرلشگن ملتلر تشکیلاتی باش کاتبی نینگ مخصوص وکیلی روزا اوتونبایوا، دنیا نی رادیوسیز تصور قیلیش ممکن‌سیز دیگن.
یوناما دری بولیمی بوگون (سه‌شنبه، ۲۴ دلو/۱۳ فبروری) ایکس اجتماعی ترماغی ده، «خلق‌ارا رادیو کونی» مناسبتی بیلن روزا اوتونبایوا نینگ «کلید» و «مرسل» رادیولرینی کوزه‌تیش دن ویدیو ترقه‌تیب، بو موضوع نی اوتونبایوا دن نقل قیلیب بیان قیلگن.
بیزلرنینگ فیسبوک صحیفه‌میزگه باش اورینگ!
افغانستان اوچون بیرلشگن ملتلر تشکیلاتی باش کاتبی نینگ مخصوص وکیلی، افغانستان ده رادیو نی «خبر، تعلیم و تربیه و سونگی بیر قرن ده عمومی بحث‌لر نینگ حیاتی منبع‌سی» اوله‌راق عنوان قیلگن.
بیرلشگن ملتلر تشکیلاتی نینگ تعلیم، بیلیم و مدنیت ایشلری بوییچه تشکیلاتی (یونسکو)، بوگون رادیو خلق‌ارا کونی مناسبتی بیلن ایکس اجتماعی ترماغی ده، رادیو دنیا ده اینگ کوپ قوللنیله‌دیگن ییتکیرمه اوله‌راق ایکینچی عصرینی باشله‌یاتگنینی معلوم قیلگن.
بیزلرنینگ «ایکس» ترماغی ده هم تعقیب قیلینگ!
یونسکو گه کوره، یشاوچیلر نینگ رادیو دن قولی شکلده فایده‌لنیشی اوچون رادیو جمعیت ده تورلی خیل‌لیک، صحبت و اتفاق‌لیک زمینه‌سینی یره‌تگن.
۲۰۱۱ ییل ده ۱۳ فبروری یونسکو تامانیدن خلق‌ارا رادیو کونی دیب ناملنگن.
