ننگرهار، لغمان و قندوز ولایتلریده اوتگن ییللرده خشخاش ایکهدیگن دهقانلردن قطاری نینگ ایتیشلریچه، حاضرگچه اولر گه بدیل ایکین ترقهتیلمهگن و بو وضعیت اولر نینگ اقتصادی قیینچیلیگی نی کوپهیتیرگن.
خشخاش ایکیلیشی تقیقلنگنیدن کیین باشقه اوسیملیکلر نی ایکیش گه یوز کیلتیرگن ننگرهار ولایتیدهگی دهقانلردن قدرتالله نینگ ایتیشیچه، اونینگ ایکیلیشیدن قانیقرلی شکلده درآمد قولگه کیلتیره آلمهیدی. اونینگ کوپهیتیریشیچه: «اوتگن ییل هم کوکنار ایککن ایدیم؛ بیراق اورتهدن کیتگزدیلر. کوکنار نی اقتصادی وضعیتیمیز نینگ یخشیلنیشی اوچون ایکهر ایدیک؛ چونکه مصرفی آز و درآمدی کوپ ایدی. خشخاش ایکیلیشی تقیقلنگنیدن کیین بیزلر گه بدیل ایکین ترقهتیلمهگن.»
بیزلرنینگ «ایکس» ترماغی ده هم تعقیب قیلینگ!
لغمان ولایتیدهگی دهقانلردن بسمالله نینگ ایتیشیچه، ایکینچیلیک یالغیز درآمد منبعسی دیر و بدیل ایکین ترقهتیلمهگنی اقتصادی قیینچیلیکلری نینگ کوپهیتیرگن. اوشبو دهقان گه کوره: «بو ییل هم ایککن ایدیم؛ بیراق ییغیلیش وقتیده اسلام امیرلیگی کوچلری اونی اورتهدن کیتگزدیلر؛ اولر بدیل ایکین ترقهتیلیشی خصوصیده سوز بیرگن ایدیلر؛ لیکن حاضرگچه بدیل ایکین ترقهتیلمهگن و اقتصادی وضعیتیمیز یامان دیر.»
شونینگدیک قندوز ولایتیدهگی دهقانلردن سهیل، بدیل ایکین ترقهتیلمهگنیدن شکایت قیلیب و ایتیشیچه: «ایکینچیلیک ییرلریمیز نی کوردیلر؛ بیراق حاضرگچه بدیل ایکین بیزلر گه بیریلمهگن؛ امید قیلهمیز گه بیریلسه و یخشی حاصل قولگه کیلتیرسهک.»
مذکور دهقانلر سرپرست حکومتدن اقتصادی وضعیتلری یخشیلنیشی اوچون اولر گه بدیل ایکین ترقهتیلیشی نی ایستهیدیلر.
باشقه بیر تاماندن، افغانستان ده بیرلشگن ملتلر تشکیلاتی نینگ اورینباسرلیک هیئت دفتری (یوناما) باشلیغی روزا اوتونبایوا، اسلام امیرلیگی باش وزیری نینگ سیاسی اورین باسری محمد عبدالکبیر بیلن اوچرهشگنیده، افغانستانلیک دهقانلر گه بدیل ایکین ترقهتیلیشی اوچون یاردملر توپلنیشی مقصد بیر ییغین یولگه قویهدی.
بیزلرنینگ فیسبوک صحیفهمیزگه باش اورینگ!
عین حالده، ایکینچیلیک، چاروهچیلیک و سووغاریش وزیرلیگی سوزلاوچیسی مصباحالدین مستعین نینگ ایتیشیچه، اوشبو وزیرلیک مملکت بویلب کوکنار ایکیلیشی تقیقلنگنیدن کیین باشقه اوسیملیکلر گه علاوه ۲۵ میلیون هنگ بوتهسینی دهقانلر گه ترقهتگن دیر. اونینگ کوپهیتیریشیچه: «بدیل ایکین رواجلنیشی نینگ اوچ-آلتی ییل وقت گه نیازی بار؛ حاضر ایسه دهقانلر گه نمایشی بوتهلر جملهدن زعفران که ۱۸ ولایتده تولید بولهدی و شونینگدیک برچه ولایتلرده تولید بولهدیگن هنگ اوسیملیگی نی ترقهتگنمیز.»
ایکی ییل آلدین اسلام امیرلیگی رهبری شیخ هبتالله آخوندازه، افغانستان بویلب خشخاش ایکیلیشینی تقیقلدی. بیرلشگن ملتلر تشکیلاتی نینگ جرملر و بنگیوار مادهلر گه قرشی کورهش دفتری اوتگن قویاش ییلده بیر گزارش آرقهلی، خشخاش ایکیلیشی تقیقلنگنیدن کیین دهقانلر گه بیر میلیارددن آرتیق دالر زیان ییتیشگنی نی ایتگن ایدی.
