بدخشان ولایتی راغ اوچتله تومنلری (یاوان، کوهستان و راغستان) یشاوچیلریدن قطاری، ساغلیک مرکزلرده جراج داکتر یوقلیگیدن شکایت قیلیب، جراح داکتر یوقلیگی باعث عاجل بیمارلرینی قولدن بیریشلرینی ایتهدیلر.
اولر نینگ ایتیشلریچه، مملکت بویوک شهرلریده، قطار داکترلر نینگ دولتی وظیفهسی یوق و مرکزدهگی کسلخانهلر هم اضافی تشکیلات بیلن روپهره دیر، شو بیلنهم بیرقطار تومنلردهگی ساغلیک مرکزلر متخصص جراح و متخصص داکتر آزلیگی بیلن روپهره دیر.
بیزلرنینگ فیسبوک صحیفهمیزگه باش اورینگ!
اولر نینگ کوپهیتیریشیچه، سونگی نیچه آیده متخصص داکتر و جراح یوقلیگی باعث، اوشبو ولایت نینگ راغ تومنلریده آپاندیسیت بیمارلریدن قطارینی قولدن بیرگنلر. اولر اسلامی امارت متصدیلریدن، موجود قیینچیلیک حلی اوچون دقت قیلیشلرینی سورهیدیلر.
یاوان تومنی یشاوچیسی بولمیش عبدالکریم نینگ ایتیشیچه: «یاوان تومنی اهالیسی ساغلیک مرکزلرده امکانیت یوقلیگی طفیلی کوپ قربانلیک بیرهدی، اولرگه دقت بولمهیدی، باریب_کیلیش اوچون یوللر بوزوق دیر. اوتگن ییللری آپاندیسیت بیمارلریدن قطاری، داکتر یوقلیگی باعث دوالنمهدی. بو توغریده یاوان تومنی گه دقت بولمهگن، حاضرگی حکومتدن دقت قیلیشنی طلب قیلهمیز.»
بیزلرنینگ توییترده هم تعقیب قیلینگ!
شو بیلن بیرگه، بدخشان ساغلیقنی سقلش باشلیغی عتیقالله فیضی گه کوره، نیچه آی مقدم یاوان تومنی ساغلیک عمومی مرکزیدهگی داکتر نینگ استعفاگه چیقیشی باعث اهالی قیینچلیککه قالگندیلر. اونینگ ایتیشیچه، نیچه کون آلدین یاوان تومنی نینگ ساغلیک عمومی مرکزی گه جراح و متخصص بیر داکتر یوباریلگن و جراح داکتر قیینچیلیگی حل بولگن.
بدخشان راغ اوچتله تومنلری (یاوان، کوهستان و راغستان) نینگ تاغلی اراضیلیگی و بدخشان مرکزیدن اوزاقلیگی باعث، انده_سنده ساغلیک قیینیچلیک تاپیلیب و یشاوچیلری هردایم مرکزی حکومت نینگ دقتسیزلیگیدن شکایت قیلهدیلر.
