شانگهای همکارلیکلر تشکیلاتی نینگ تروریزم گه قرشی کوره‌ش منطقه‌یی ساختار اجرایی کمیته رئیسی روسلان میرزایف، «ترورچی‌لر حرکتینی آلدینی آلیش و تروریزم گه قرشی کوره‌ش اوچون چیگره‌لرنی باشقریش و خلق‌ارا و منطقه‌یی همکارلیک» ییغینی‌ده ایتگن که، افغانستان ده خلق‌ارا ترورچی تشکیلات‌لر اعضالریدن ۱۳۵۰۰دن آرتیغی تاجیکستان چیگره ییقین‌لیگی‌ده توپلنیب و مذکور مملکت امنیتی نی تهدید قیله‌دی.
شونده‌ی بیرحالده، مذکور ییغین‌ده تاجکستان جمهور رئیسی امام‌علی رحمان نینگ ایتیشیچه، افغانستان تامانیدن اورته گه کیلگن امنیتی تهدید‌لر نینگ کوپه‌یشی بیلن، منطقه ممکلت‌لر مذکور مملکت اطرافیده «خوفسیزلیک کمربند» تشکیل ایتیش‌لری کیره‌ک.
بیزلرنینگ فیسبوک صحیفه‌میزگه باش اورینگ!
شونینگدیک اوشبو ییغین‌ده تاجکستان ایچکی ایشلر وزیری رمضان رحیم‌زاده نینگ ایتیشیچه، اسلامی امارت اوچ مینگ «ترورچی گروه‌لر نینگ اعضالری» گه افغانستان پاسپورتی نی ترقه‌تگن که اولردن برچه‌سی افغانستان نینگ شمال تامانیده تاجکستان چیگره‌سیده جایلشگنلر.
شونده‌ی بیرحالده، اسلامی امارت سوزلاوچیسی اورین‌باسرلریدن بلال‌کریمی، ترورچی گروه‌لر گه پاسپورت ترقه‌تیلگنی نی رد قیلیب ایتیشیچه، اسلامی امارت هیچ بر ترورچی گروه‌لر گه اوشبو مملکت توپراغیدن باشقه مملکت‌لر گه قرشی قوللنیشی گه رخصت بیرمه‌یدی.
باشقه بیر تاماندن، سیاسی ایش بیلرمان‌لردن قطاری نینگ ایتیش‌لریچه، اسلامی امارت افغانستان قوشنی مملکت‌لر نینگ خواطرلری نی حل قیلیشی کیره‌ک.
سیاسی ایش بیلرمان‌لردن عزیز استانکزی نینگ ایتیشیچه، اسلامی امارت سیاسی اوچره‌شوولر یولیدن قوشنی مملکت‌لر خواطرلری نی حل قیلیشی کیره‌ک.
بیزلرنینگ توییترده هم تعقیب قیلینگ!
تاجکستان ایچکی ایشلر وزیری گه کوره، حاضر ایسه افغانستان ده ۲۰دن آرتیق ترورچی تشکیلات فعالیت قیلماقده که تورلی مملکت‌لر نینگ یشاوچیلری اولر گه شامل دیر.
اوتگن آی مملکت نینگ تورلی ولایت‌لریده نیچه پارتلش و خودکش هجوم یوز بیرگن بیرحالده، اوشبو خواطرلر بیان بولگن.
