داعش گروهی ننگرهار مرکزی جلال‌آباد شهریده طالبان گه قرشی یوز بیرگن پارتلش‌لر مسوولیتی‌نی بوینیگه آلگن.
رویترز کونده‌لیگی نینگ داعش گروهی‌گه تیگیشلی اعماق کونده‌لیگی دن نقل قیلیب ایتیشیچه، مذکور پارتلش‌لرده طالبان جنگریلری هدف آستیگه قرار بیریلگن. داعش نینگ اعلان قیلیشیچه، اوشبو پارتلش‌لرده طالبان جنگریلریدن ۳۵ ته‌سی هلاک و یره‌لنگن.
بیزلرنینگ فیسبوک صحیفه‌میزگه باش اورینگ!
طالبان گروهی حاضرگه‌قدر بوتوغریده فکر بیلدیرمهگن. گزارش‌لرگه کوره، اوتگن ایکی کون جریانیده جلال‌آباد شهریده ۵ پارتلش یوز بیرگن.
اوتگن “شنبه” کونی ۴ پارتلش جلال‌آباد شهریده طالبان رنجرلرینی هدف آستیگه قرار بیرگن و نتیجه‌ده ۳ کیشی هلاک و باشقه ۲۱ کیشی یره‌لنگن ایدی و قربان بولگن‌لردن کوپراغی تینچ اهالی ایدی.
شونینگدیک، اوتگن کونی شام چاغیده یوز بیرگن پارتلشده بیر باله شامل ایکی تینچ اهالی هلاک ایتیلگن.
داعش گروهی افغانستانده بارلیگی‌نی اعلان قیلگنیدن سونگ، ننگرهار ولایتی‌نی باشکنت انتخاب قیلگن ایدی.
