دولتی منبعلرنینگ ایتیش‌لریچه، بوگون (چهارشنبه ۱۸- حمل) ایرته‌لب ساعت ۶ اطرافیده ننگرهار مرکزی جلال‌آباد شهریده یول چیککه‌سیده جایلشتیریلگن بیر ماین پارتله‌گن. منبعلرگه کوره، مذکور پارتلش نتیجه‌سیده ۲ تینچ‌اهالی هلاک و ۳ پولیس شامل ۱۸ کیشی ایسه تن جراحتی کوتارگن.
آتی فاش ایتیلیشی نی ایستمه‌گن دولتی بیر منبع نینگ سلام‌وطندارگه ایتیشیچه، پارتلش جلال‌آباد شهری نینگ ایکینچی ناحیه‌سیگه تیگیشلی «ایستگاه لغمان» یقیین‌لیگیده بیر رنجر اوته‌دیگن بیرچاغده یوزبیرگن.
منبع گه کوره، ماین سرک نینگ گلدانی ده جایلشتیریلگن ایکن. منبع نینگ کوپه‌یتیریشیچه، حادثه یره‌دارلری ننگرهار حوزوی کسلخانه‌سیگه انتقال بیریلگن کیم اولردن ۴ ته‌سی نینگ وضعیتی یمان دیر.
ننگرهار امنیتی مسئوللری بو حادثه نی تصدیقله‌گن؛ بیراق تفصیلات بیرمه‌گن. حادثه شاهدلری گه کوره، حادثه قربانی‌لردن کوپینچه‌سی سبزی ساتووچیلر دیر.
حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.
