باش قارهلاوچیلیک ادارهسی مسووللری نینگ ایتیشلریچه، جاری ییل نینگ قوس و جدی آیده اداره فسادگه تیگیشلی 224 قضیه تیکشیریلگن و 500 کیشی بوتوغریده عیبلنیب محکمهگه تانیتیلگن.
بوگون “چهارشنبه” باش قارهلاوچیلیک ادارهسی سوزلاوچیسی جمشید رسولی نینگ خبری بیر ییغینده ایتیشیچه، مذکور قضیهلرنینگ تیکشیریلیشیگه اداره فسادگه قرشی کورهش عدلی و قضایی مرکز و ولایتلرنینگ قارهلاوچیلری دخیللر.
اونینگ ایتیشیچه، اوشبو 224 قضه جملهسیدن 102 تهسی مملکت ولایتلریگه تیگیشلی دیر، کیم اداری فسادگه قرشی کورهش قارهلاوچیلری تامانیدن محکمهگه یوباریلگن.
جناب رسولی نینگ کوپهیتیریشیچه، اورین باسرلر، ولایتلر حاکملری، حربی و حربی بولمهگن مسووللر مذکور قضیهلرگه عیبلنگنلر جملهسیدن دیر.
باش قارهلاوچیلیک ادارهسی سوزلاوچیسیگه کوره، رشوه آلیش، اختلاس و صلاحیتدن ناتوغری فایدهلنیش محکمهگه تانیتیلگنلرنینگ عیبلریدن دیر.
جناب رسولی، اداری فسادگه قرشی سونگی اقداملرنی سابقهسیز عنوان قیلیب ایتیشیچه، قانون بوتون یشاوچیلرگه برابر تطبیق ایتیلهدی.
