اداری فساد‌گه قرشی‌کوره‌ش‌نی نظارت و تیکشیریش قوشمه ایرکین کمیته مسؤل‌لری نینگ ایتیش‌لریچه، حکومت اوشبو کمیته‌نی باغلش گه قرار آلگن.
اوشبو کمیته باشلیغی میوند روحانی نینگ ایتیشیچه، جاری میلادی ییل اداغی گچه «میک» کمیته‌سی حکومت تامانیدن باغلنیشی ممکن.
جناب روحانی گه کوره، حکومت اداری فساد گه قرشی کوره‌ش ایرکین کمیسیونی نی «میک» کمیته‌سی اورنیگه جایلشتیریش گه قرار آلگن.
اداری فساد گه قرشی کوره‌ش نی نظارت و تیکشیریش قوشمه ایرکین کمیته‌سی باشلیغی نینگ ایتیشیچه، حاضر اداری فساد گه قرشی کوره‌ش ایرکین کمیسیونی بیلن بیرلیکده ایش قیله‌دیلر، لیکن اوشبو مسله‌نی حکومت قبول قیلمه‌دی.
اداری فساد گه قرشی کوره‌ش ایرکین کمیسیونی نینگ ۵ اعضاسی، جاری ییل ۲۲- نوامبر جمهور رئیس تامانیدن تانیشتیریلدی و مذکور کیشی‌لردن ۳ ته‌سی ایرکک و ۲ ته‌سی عیال دیر.
فرخ لقا، همایون حمید، مریم زرمتی، عبدالقیوم نظامی و سید محمد هاشمی، جمهور رئیس تامانیدن اوشبو کمیسیون نینگ اعضاسی صفتیده تنلنگن.
بوگون (چهارشنبه، ۱۹-قوس) میک کمیته‌سی نینگ باشلیغی میوند روحانی، تکلیف‌لرنی عملگه آشیریش و اداری فساد قیین‌چیلیک‌لری خصوصیده‌گی تیکشیرو نینگ بیرینچی گزارش نی مالیه وزیرلیگیده بیان قیلیش پیتده، اداری فساد گه قرشی کوره‌ش ایرکین کمیسیونی نینگ موضوعی نی هم بیان قیلگن.
مالیه وزیرلیگیده‌گی اداری فساد نینگ ضررلرینی تیکشیریش گزارشده، ۷۴ بیللی تکلیف میک کمیته‌سی تامانیدن بیان ایتیلگن و ۵۴ تکلیف تیکشیروو چیکلاویگه جایلشتیریلیب، قیته اوقیلگن.
۵۴ تکلیف دن ۲۳ تکلیف قسمی شکلده عملگه آشیریلگن و ۳۱ تکلیف حاضر گه قدر عملگه آشیریلمه‌گن، شوندی بیر حالده مالیه وزیرلیگیده ۱۴.۴۲فایز تکلیف‌لر عملگه آشیریلگن.
جناب روحانی گه کوره، مالیه وزیرلیگی نینگ ۵۹۱۲ ایشلاوچی‌سیدن ۴۷۴۴ ایشلاوچیسی نینگ سرمایه‌سینی قید ایتگن و ۱۱۶۸ ایشلاوچیسی نینگ سرمایه‌سی حاضرگچه قید ایتیلمه‌گن.
