جوزجان ترکمن‌لریدن اونلرچه‌سی اوشبو ولایت مرکزی شبرغان شهریده بیر ییغین آرقه‌لی، اوروش تامان‌لریدن مملکت ده دوامی بولگن اوروش نی یکونلنتیریش‌لری و تینچلیک جریانیده اولرنینگ نظرگه آلینیشی نی سوره گن لر.
افغانستان نینگ ترکمن یشاوچی‌لریدن بولمیش عبدالغفار دهقان نینگ اوشبو ییغینده ایتیشیچه، افغانستان ترکمن‌لری هرتامانلمه و دایمی تینچلیک ایسته‌یدی. اونینگ ایتیشیچه، مملکتده دوامی بولگن اوروش کون اوتیش بیلن اهالی‌دن قربان‌لیک آلماقده.
جناب دهقان نینگ کوپه‌یتیریشیچه، افغانستان ترکمن‌لری تینچلیک جریانی اینقسه ترکیه ییغینیدن حمایت قیله‌دی.
اونینگ آگاه‌لنتیریشیچه، تینچلیک جریانیده ترکمن‌لر حضوری نظرگه آلینمه‌گن صورتده، افغانستان‌نی ینه‌بیر مرته “بن” سرنوشتی بیلن روپه‌ره بولیشی ممکن.
عین‌حالده، اوشبو ییغینده اشتراک قیلگن‌لردن باشقه بیرقطاری نینگ ایتیش‌لریچه، اجتماعی عدالت واقعی شکلده تامین ایتیلگن تینچلیک‌نی قبول قیله‌دیلر.
اولردن بیری حاجی مخی نینگ ایتیشیچه، افغانستان یشاوچی‌لرینی باشقه زمان‌لرگه قره‌گنده بیرلیک و اجتماعی عدالت‌گه نیازی بار.
افغانستان ترکمن‌لریدن باشقه بیری رحمت‌الله نینگ ایتیشیچه، مملکتده دوامی بولگن اوروش‌نی هیچ‌قنده‌ی مفهومی یوق و تینچ اهالی نینگ تلفاتی و مملکت‌نی تخریب ایتیلیشی‌گه سبب بولگن.
اونینگ ایتیشیچه، عزت‌لی تینچلیک تامین ایتیلیشی و اوروش نینگ یکونلنیشی مملکت هر بیر یشاوچیسی نینگ ایسته‌گی دیر و اوروش تامان‌لرینی بو موضوع گه دقت قیلیشی کیره‌ک.
کیله‌سی نیچه کون جریانیده افغانستان تینچلیگی خصوصیده ترکیه ییغینی نینگ یولگه قویلیشی‌گه قرار قیلینگن بیرحالده، افغانستان ترکمن‌لری تینچلیک جریانیده اولرنینگ نظرگه آلینیشی اوستیگه تاکید قیلگنلر.
