تشقی ایشلر وزیرلیگی نینگ اعلام قیلیشیچه، افغانستان ملی پولیسی نینگ آتی بیرلشگن ملتلر تشکیلاتی باش‌کاتبی نینگ ننگین رویخطی‌دن چیقاریلگن. مذکور وزیرلیک بو اقدام نی خوش قرشی‌لگن.
تشقی ایشلر وزیرلیگی بوگون بیر اعلامیه نشر قیلیب ایتیشیچه، افغانستان پولیسی صفیده باله‌لرنینگ حضوری باعث مذکور حربیلر، بیرلشگن ملتلر تشکیلاتی باش کاتبی نینگ ننگین رویخطی گه کیریتیلگن ایدی.
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی نینگ اعلامیه‌سیده کیلیشیچه، مملکت ملی پولیسی نینگ برنامه‌سی عملی ایتیلیشی افغانستان پولیسی نینگ آتی اوشبو رویخط دن چیقاریلیشی گه سبب بولگن. تشقی ایشلر وزیرلیگی نینگ کوپه‌یتیریشیچه: «مذکور یوتوق افغانستان حکومتی نینگ خلق‌ارا انسانی حقلر ارزش‌لری و یخشی حکومتدارلیککه تعهدی نی کورسته‌دی.»
عین حالده، مملکت تشقی ایشلر وزیرلیگی مملکتلر و خلق‌ارا نهادلردن باله‌لرنی استخدام قیلیش و اولرگه قرشی زوروانلیکلردن قول تارتیلیشی اوچون سیاسی و چیکلاولر آرقه‌لری طالبان گروهی و باشقه ترورچیلیک گروه‌لرگه باسیم کیلتیریشی نی سوره‌گن.
