قندوز ده اوروش شدتی و طالبان هجوم‌لریدن ایکی آیدن کوپراق اوتماقده. بو پیتده مینگ‌لرچه عایله جایسیز بولیب و اهالی اوی‌لری تخریب بولگنی و اوروشدن امان قالیش اوچون مذکور ولایت تومن‌لری و مرکزیدن بیجا بولیب، قندوز هوا قونالغه قتناویولی نینگ چیککه‌سیده‌گی سردوره منطقه‌سیده خیمه‌لرده حیات کیچیرماقده‌لر.
گرچند حکومتی مسئوللر و یاردم بیرووچی نهادلر مذکور عایله‌لرگه ییترلیچه یاردم بیرگن، بیراق قندوز شهری اطرافیده امنیتی کوچلر و طالبان آره‌سیده اوروش شدت‌لنگنی باعث بو ولایتده آواره‌لر سانی کوپه‌یگن.
قندوز ولایتیده آواره بولگنلر آره‌سیده طالبان بیلن آتیشمه پیتده هلاک بولگن امنیتی کوچلر نینگ عایله‌لری هم بار و حاضر اولرنینگ عایله‌لری یمان بیر وضعیتده قرار تاپگن.
لیلما ۳۵ یاشر دیر. او قندوز ولایتی نینگ امام‌صاحب تومنی یشاوچیسی دیر. او بیر آی آلدین اوروشلر جریانیده تورموش اورتاغی نی قولدن بیرگن و حاضر قندوز شهری نینگ مرکزیده ۴ باله‌سی بیلن ایسکی بیر خیمه‌ده یشه‌یدی.
اونینگ ایتیشیچه، تورموش اورتاغی اولمسدن ایکی آی آلدین هم معاش آلمه‌گن ایکن و حاضر هم دولت تامانیدن اولرگه هیچ قنده‌ی یاردم بیریلمه‌گن.
بیزلرنینگ فیسبوک صحیفه‌میزگه باش اورینگ!
قندوز اوروش‌لری نینگ آواره‌لریدن باشقه بیر قطاری نینگ حیات‌لری توغریسیده کوپ یمان و اَچیق خاطره‌لری بار. اولرنینگ ایتیشیلریچه، عایله اعضالری اوروش و اوقلرنینگ سیسی باعث روانی قیینچلیکلرگه چلینگن.
اولر گه کوره، آواره‌لر خیمه‌لری آستیده هم تینچ ایمس دیر و اوتگن کیچه بیر عیال اوق اصابت قیلگنی باعث جان بیردی.
قندوز ولایتی کیگش باشلیغی محمد یوسف ایوبی نینگ ایتیشیچه، قندوز اوروشیده بیجا بولگنلر نینگ وضعیتی خواطرلی دیر و اوروش تامان‌لری تینچ‌اهالی نینگ قیته اویی گه باریش‌لری اوچون آتیش کیسین قیلیش‌لری کیره‌ک.
قندوز پولیس قومندانلیگی سوزلاوچیسی انعام‌الدین رحمانی نینگ ایتیشیچه، قانون اساسیده هلاک بولگن پولیس‌لرنینگ عایله‌سیگه ایچکی ایشلر وزیرلیگی تامانیدن بیر امتیاز بیریله‌دی.
قندوز مهاجرلر ریاستی مسئوللری نینگ ایتیش‌لریچه، مذکور ولایتده اوروشلر کوپه‌یگنی باعث آواره بولگنلر رقمی ایکی برابر بولگن. قندوز مهاجرلر ریاست باشلیغی غلام‌سخی رسولی نینگ ایتیشیچه، اوشبو ولایتده بیجا بولگنلر نینگ رقمی ۲۰ مینگ کیشی گه یتیشیگن و بولردن کوپینچه‌سی نیچه تعلیم و تربیه‌لنیش نهادلرده حیات کیچیرماقده.