آمریکا جمهوررئیسی جو بایدن نینگ ایتیشیچه، افغانستان حکومتی سقوط قیلمه‌یدی و تیزیم نی سقلش اوچون ییترلیچه حربی و حربی جهازلر بار دیر. جناب بایدن، اوتگن کیچه آق سرای ده یولگه قویگن خبری بیر ییغینده بونده‌ی بیانات بیرگن.
آمریکا جمهوررئیسی بیر خبرچی نینگ سوراغی گه جواب قیتریب ایتیشیچه، افغانستان حکومتی نینگ ۳۰۰ مینگ قوراللی حربیسی بار، بیراق طالبان جنگری‌لری نینگ سانی ۷۵ مینگ کیشی گه ییتیشه‌دی.
او ینه بیر مرته افغانستان اهالیسی، امنیتی کوچلری و حکومتی گه واشنگتن نینگ دایمی همکارلیگی اوستیگه اورغولب ایتیشیچه، «بیزلر افغانستان حربی مأموریتی گه شامل بولمه‌یمیز، بیراق دیپلماتیک و انسان‌دوستلیک ایش‌لریمیزگه دوام بیره‌میز. بیزلر افغانستان حکومتیدن حمایت قیلیش گه دوام بیره‌میز. بیزلر افغانستان امنیتی و مدافعه کوچلری گه یاردم فراهم قیله‌میز.»
بیزلرنینگ فیسبوک صحیفه‌میزگه باش اورینگ!
بایدن نینگ کوپه‌یتیریشیچه، آمریکا افغانستان امنیتی و مدافعه کوچلریگه یاردم بیریش گه دوام بیریشی ممکن. اونینگ اورغولشیچه، افغانستان رهبرلری بیر بولیش‌لری کیره‌ک.
- بایدن: آمریکالیک حربیلرنینگ چیقیش تاریخی نی کیچیکتیره آله‌من
- طالبان و آمریکا آره‌سیده امضالنگن شرطنامه بایدن دولتی تامانیدن تیکشیریله‌دی
- خلق‌ارا بحران گروهی: افغانستان جوبایدن اوچون اونملی ایمس
- آمریکا نینگ کابلده‌گی ایلچی‌خانه‌سی باغله‌نیشی اوچون هیچ‌قنده‌ی برنامه یوق
آمریکا جمهوررئیسی نینگ ایتیشیچه، مملکتی نینگ حربی مأموریتی جاری ییل ۳۱- اگست گه یکونله‌نیشی ممکن. اونینگ اورغولشیچه، آمریکا اوز مقصدلریگه ییتیشگن و بو مملکت نینگ افغانستان اهالیسیدن حمایت قیلیشی دوام تاپیشی ممکن.
جناب بایدن بیاناتی نینگ بیر بولیمیده کوپه‌یتیریشیچه، آمریکا ملت قوریش اوچون افغانستان گه کیتمه‌گن. او، طالبان گه ایشانه‌سیزمی دیب سوره‌لنگن سوراققه جواب بیریب ایتیشیچه، «یوق».
بیزلرنینگ توییترده هم تعقیب قیلینگ!
جو بایدن نینگ ایتیشیچه، افغانلر حکومت‌لری نینگ سقلش گه کوچی ییته‌دی. اونینگ کوپه‌یتیریشیچه: «سوراق بو دیر که اولر بو ایش نی قیله‌می؟»
شونده‌ی بیرحالده، چیت‌ایللیک کوچلرنینگ افغانستان دن چیقیش پروسه‌سی باشلنگن بیرحالده، طالبان هجوم‌لرینی کوپه‌یتیریب و کمیده ۲۰۰ تومن نی نظارت‌لریگه آلگن.