امنیتی و مدافعه نهادلرنینگ قوشمه سوزلاوچیسی اجمل‌عمر شینواری، بوگون کابل ده خبری بیر ییغین اوتکزیب، طالبان گروهی گه قرشی امنیتی کوچلرنینگ هجوم‌لری باشلهنیشیدن خبر بیردی.
اونینگ ایتیشیچه، تیزلیککه اوروش میدان‌لریده امنیتی کوچلرنینگ کینگ یوتوق‌لری و قولدن کیتگن منطقه‌لرنینگ قیته آلیش گه شاهد بولیش‌لری ممکن.
بیزلرنینگ فیسبوک صحیفه‌میزگه باش اورینگ!
امنیتی و مدافعه نهادلر قوشمه سوزلاوچیسی نینگ اورغولشیچه، امنیتی و مدافعه کوچلر حاضر هم توغری عملیاتی و دفاعی برنامه‌لر اساسیده کینگ فعالیت قیلماقده‌لر.
جناب شینواری اوشبو خبری ییغینده، سی‌ان‌ان خبری ترماغیدن فاریاب ده ۲۰ کوماندو طالبان گروهی گه تسلیم بولگنی توغریسیده نشر ایتیلگن گزارش گه اشاره قیلیب ایتیشیچه، اولر تسلیم بولگن‌لری اوچون اولمه‌گن؛ بلکیم تاکتیکی خطا باعث هلاک ایتیلگن.
امنیتی و مدافعه نهادلرنینگ قوشمه سوزلاوچیسی نینگ معلوماتی اساسیده، اوتگن اوچ کونده ۲۵ ولایتده امنیتی کوچلر تامانیدن یولگه قوییلگن ۹۸ عملیاتده مذکور گروه کلیدی قومندانلری شامل ۱۳۰۰ دن آرتیق طالب هلاک ایتیلگن.