فاریاب ولایتی «لولاش» تومنی یشاوچیلرینینگ ایتیشلریچه، ستندرد سرکلر یوقلیگی، اولرنینگ ساغیلقنی سقلش، تعلیم و اداری خذمتلردن فایدهلنیشینی جدی قیینچیلیکلر بیلن روپهره قیلگن. لولاش تومنی، فاریاب مرکزی میمنه شهریدن قریب ۱۱۰ کیلومتر اوزاقده جایلشگن؛ لیکن ستندرد سرکلری یوقلیگی، بو تومننی فاریابنینگ محروم بولیملریدن بیریگه اَیلنتیرگن.
مذکور تومن یشاوچیلرینینگ ایتیشلریچه، ییللردن بیری اینگ اساسی خذمتلردن محروم قالیب و بو وضعیت اولرنینگ تیریکچیلیگینی جدی قیینچیلیکلر بیلن روپهره قیلگن. محل یشاوچیلریگه کوره، قیش موسومیده مواصلاتی یوللردن برچهسی یاپیلیب و لولاش بیلن ولایت مرکزی آرهسیده باریب-کیلیش بیراز امکانسیز بولهدی.
لولاش تومنی بویوکلریدن محمدحسن کهزاد، ۵۰ ییل آلدین محل یشاوچیلرآرقهلی سرک قوریلگنینی بیان قیلیب و ایتیشیچه، جمعیت کوپهیشی و یول بوزیلیشی بیلن، حاضر ستندرد سرکلرگه احتیاج سیزیلماقده. «۱۳۵۰-ییلگچه بو منطقهده هیچ بیر یول یوق ایدی. اوشه ییللرده بنگلهدیش یاردملری ییتیشدی و اهالی بیر اوتیش یولینی توزهتدی.»
لولاش تومنی یشاوچیلریدن احسانالله خیرخواهنینگ ایتیشیچه، مذکور تومن ۱۳۰ قیشلاققه ایگه بولیب و سرک یوقلیگی اهالینینگ اساسی خذمتلردن محروم قالیشیگه سبب بولگن. اونگه کوره، حاضرگچه هیچ بیر حکومت بو تومننینگ مواصلاتی یوللری قیینچیلیگی حلی اوچون جدی توجه قرهتمهگن. «هر ییل، جهازلنگن کلینیک یوقلیگی اوچون کسللردن کوپ قطاری اولهدی. یالغیز شو ییل کماده بولگن بیر کسل، تیک اوچر بیلن اسلام امیرلیگی آرقهلی میمنه گه انتقال بیریلدی. مناسب یول بولگنیده، بو کبی بیر ایشگه نیاز بولمس ایدی.»
شونینگدیک لولاش تومنی یشاوچیلری، دولتی بنالر و مکتب کملیگی، علاقه قوریش ترماقلر و باشقه اساسی آستقورمهلر یوقلیگیدن شکایت قیلهدیلر. اولرگه کوره، دولتی ادارهلر اوچون ستندرد بنالر یوقلیگی هم حاضرگچه قیینچیلیکلرنی کوپهیتیرگن.
لولاش-میمنه یولیدهگی هیداوچیلردن بیری حفیظاللهنینگ ایتیشیچه، سرک بوزیقلیگی سبب ۱۱۰ کیلومتر یولنی ۴۸ ساعت کیزیشگه مجبور دیر. «نیچه مرته موترلریمیز یولده بند قالیب و قیشلاقلر اهالیسیدن یاردم ایستهگنمیز. سرک وضعیتی جودهیم یامان بولیب و سفر قیلیش خوفلی دیر.»
لولاش تومنی یشاوچیلری، مسئوللردن سرک قوریش بیلن اولرنینگ ساغلیقنی سقلش، تعلیم و اداری خذمتلریدن فایدهلنیش امکانیتی یرهتیلیشینی سورهگنلر. اولرنینگ ایشانچیگه کوره، دستلبکی آستقورمهلر قوریلیشی بیلن، بو تومن قیینچیلیکلری حل بولیب، علمی، فرهنگی و اقتصادی امکانیتلرینینگ رواجلنیشی ممکن.
فاریاب ولایتی فواید عامه باشلیغی حمیدالله دانشنینگ ایتیشیچه، لولاش قیینچیلیگینی حل قیلیب و اولرگه آزمدتده بیر سرک قوریلیشی اوچون سعیوحرکت بولماقده. «اوشبو سرک قیشده بیر هفتهدن بیر آیگچه یاپیق قالهدی. آز مدتده بو قیینچیلیک حلی اوچون سعیوحرکت قیلماقدهمیز.»
افغانستاننینگ اوزاق تومن و قیشلاقلریدن قطاری، حاضرگچه ستندرد سرکلردن محروم دیر. یشاوچیلرگه کوره، بو وضعیت اولرنینگ ساغلیقنی سقلش خذمتلری، تعلیم و باشقه اساسی نیازلریدن فایدهلنیشده، جدی قیینچیلیکلر بیلن روپهره قیلگن.
