اوتگن ایکی ییل ده طالبان نینگ افغانستان سووتوغان‌لری اوستیگه اویوشتیرگن ۱۱۸ هجومیده امنیتی کوچلردن ۸۰ ته‌سی هلاک و باشقه ۸۲ ته‌سی ایسه یره‌لنگن.
افغانستان ملی خوفسیزلیک کینگشی‌ده‌گی بیر منبع تامانیدن سلام‌وطندارگه یوباریلگن معلومات نینگ کورستیشیچه، مذکور سووتوغان‌لرگه شاه‌وعروس سووتوغانی، پکتیا نینگ مچلغو سووتوغانی، هرات نینگ سلما و پاشدان سووتوغانی، هلمند نینگ کجکی و گرشک سووتوغانی و شونینگدیک فاریاب نینگ دهندره سووتوغانی شامل بوله‌دی.
اوشبو ۱۱۸ هجوم گه راکت آتیش، قوراللی هجوم‌لر و پارتلش هجوم‌لری شامل بوله‌دی.
| رقم | سووتوغانی | ولایت | هلاک – امنیتی کوچلر | یره‌لنگن – امنیتی کوچلر |
| ۱ | شاه‌وعروس | کابل | ۲ | ۴ |
| ۲ | مچلغو | پکتیا | ۲۹ | ۴۲ |
| ۳ | سلما | هرات | ۱۴ | ۱۴ |
| ۴ | کجکی | هلمند | ۱ | |
| ۵ | پاشدان | هرات | ۳ | ۱ |
| ۶ | دهندره | فاریاب | ۳۱ | ۲۱ |
| ۷ | گرشک | هلمند |
اوتگن ییل ۲۶- حوت هرات نینگ بند پاشدان سووتوغانی نینگ سقله‌یدیگن کوچلرنی پوسته‌سی اوستیگه اویوشتیریلگن هجوم‌ده امنیتی کوچلردن ۳ ته‌سی هلاک و باشقه بیری ایسه یره‌لندی. مذکور هجوم ده طالبان بو بند نینگ امنیتی کوچلریدن ۶ ته‌سینی اوزلری بیلن آلیب کیتگن.
بیراق بیر آی آلدین طالبان مذکور بند ایشلاوچی‌لریدن ۹ ته‌سینی اوزلری بیلن آلیب کیتدی کیم امنیتی کوچلرنینگ بیر عملیاتی نتیجه‌سیده قوییب یوباریلدی.
شونده‌ی بیرحالده، ینگی ییل نینگ ۴- کونیده نیمروز ولایتیده کمال‌خان سووتوغانی جمهوررئیس نینگ حضوری بیلن سوو آلیشدن کیین آچیلدی. کمال‌خان سووتوغانی کوپینچه‌سی دشت بولگن بیر منطقه‌ده قرار تاپگن. مذکور بند بلندلیگی ۱۶ متر و سوو سقلش ظرفیتی ایسه ۵۲ میلیون متر مکعب دیر.
