نماینده‌لر کینگش اعضالری بوگونگی عمومی ییغین‌لریده، طالبان گروهیدن ایسته‌کلرینی آچیق شکلده مطرح قیلیش‌لرینی سوره‌شگن.
نماینده‌لر کینگش اعضالری چیت‌ایللیک کوچلرنینگ افغانستان دن چیقشی نی خوش قرشی‌لب و ایتیش‌لریچه، طالبان نینگ افغانستان حکومتی بیلن تینچلیک قیلیشی اوچون ایسته‌کلریدن بیری چیت‌ایللیک کوچلرنینگ افغانستان دن چیقیشی ایدی که بو تیزلیککه صورت تاپیشی ممکن. حاضر طالبان بو فرصت دن فایده‌لنیب و اهالی و افغانستان حکومتی گه قتنه‌شیش‌لری کیره‌ک.
نماینده‌لر کینگش باشلیغی میررحمان رحمانی نینگ ایتیشیچه، استانبول ییغنی افغانستان ده اوروش یکونله‌نیشی اوچون کوپینچه امیدلر اورته گه چیقارگن. جناب رحمانی طالبان دن مذکور ییغین گه شرکت قیلیش‌لرینی سوره‌گن.
نماینده‌لر کینگش اعضاسی ناهید فرید نینگ ایتیشیچه، طالبان بو گروه اوزگرگنی توغریسیده اهالی نینگ ایشانچی نی قولگه کیلتیریش نی ایسته‌گن بیرحالده، برنامه‌لریده انسان حقوقی و عیاللر حقوقی نی تمثیل قیلیب و بیرینچی اَدیم ده نظارت‌لریده‌گی منطقه‌لرده قیزلرنینگ یوزیگه مکتب‌لرنی آچیش‌لری کیره‌ک.
نماینده‌لر کینگشی نینگ باشقه بیر اعضاسی عبدالرووف شپون نینگ ایتیشیچه، طالبان رمضان آیی نینگ حرمتی گه آتیش کیسین اعلام قیلیب و ایسته‌کلرینی بیر ریجه شکلده مطرح قیلیش‌لری کیره‌ک. جناب شپون گه کوره، طالبان نینگ ایسته‌گی منطقی بولگن صورتده، افغانستان یشاوچیلری اونگه ایریشیش اوچون حرکت قیلیشی ممکن.
بوندن آلدین طالبان تینچلیک سوزلشوولری دوام ایتیشی اوچون آمریکا دن حربی‌لری نینگ افغانستان دن چیقاریشی نی سوره‌گن ایدی. اوتگن هفته آمریکا جمهوررئیسی جو بایدن، جاری ییل سپتامبر آیی گچه آمریکا حربی‌لری قیدسیز و شرط‌سیز شکلده افغانستان دن چیقیشی نی اعلام قیلدی.
افغانستان تینچلیگی توغریسیده استانبول ییغینی تیزلیککه ترکیه گه یولگه قوییلیشی گه قرار قیلینگن، بیراق طالبان بوندن آلدین مذکور ییغین گه شرکت قیلمه‌سلیک‌لرینی بیلدیرگن ایدی. آمریکا حربی‌لری نینگ افغانستان دن چیقیش تاریخی اعلام ایتیلگن بیرحالده، حاضر طالبان بو ییغین گه شرکت قیله می یا خیر؟
