آمریکا ملی خوفسیزلیک مصلحتچیسی جیک سالیوان نینگ ایتیشیچه، اوشبو مملکت حربیلری نینگ افغانستاندن چیقگنیدن سونگ، هیچکیم اوشبو مملکت کیلهجگینی تضمین قیله آلمهیدی.
جیک سالیوان اوشبو موضوعی اوتگن “یکشنبه” کونی فاکسنیوز بیلن اوتکزگن صحبتیده بیان قیلگن. آمریکا ملی خوفسیزلیک مصلحتچیسیگه کوره، اوشبو مملکت جمهور رییسی جو بایدن نینگ قیتهدن افغانستانگه عسکر یوباریش خصوصیده هیچقندهی برنامهسی یوق. جناب سالیوان نینگ ایتیشیچه: «افغانستانده نیمه واقعه یوز بیریشینی هیچکیم تضمین قیله آلمهیدی.»
جیک سالیوان نینگ کوپهیتیریشیچه، آمریکا قوشمه ایالاتی افغانستان حکومتی و اهالیسیگه منابع توپلش و امنیتی کوچلرنی تجهیزلش خصوصیده کوپینچه سعی وحرکت قیلگن. اونینگ ایتیشیچه: «حاضرده آمریکالیک حربیلرنی اوز اویلریگه قیتیش زمانی کیلگن و افغانستان اهالیسینی مملکتلریدن دفاع قیلیش اوچون توریشلری کیرهک.»
آمریکا حربیلری نینگ افغانستاندن چیقاریلیشی خصوصیده جو بایدن نینگ ینگی قراریگه کوره، اوشبو مملکت بوتون حربیلری جاری ییل ۱۱ سپتامبرگهقدر افغانستاننی ترک قیلیشلری ممکن. شونینگدیک، شمالی آتلانتیک یا-ده ناتو نینگ اعلان قیلیشیچه، آمریکا بیلن بیرلیکده افغانستاننی ترک قیلهدی. آمریکا حربیلری نینگ افغانستاندن چیقیش جریانی جاری ییل می آییده باشلهنیشی ممکن.
افغانستان حکومتی و طالبان گروهی آمریکا حربیلری نینگ افغانستاندن چیقیشی تاریخی اعلان ایتیلیشی خصوصیده واکنش کورستگن.