اوتگن بیر ییل ده افغانستان وضعیتی گه دایر منطقه و خلق‌ارا تورلی ییغین‌لر اوتکزیلدی. لیکن اوشبو ییغین‌لر حاضرگه قدر افغانستان نینگ وضعیتی اوستیگه تأثیر قیلمه‌گن. ینگی لیکده، افغانستان ده بشر حقوقی و اقتصادی وضعیتنی تیکشیریش آجنداسی بیلن، بیرلشگن ملت‌لر تشکیلاتی خوفسیزلیک کینگشی نینگ ییغینی اوتگن کیچه (۷ سنبله) یولگه قوییلدی.
مذکور ییغینده افغانستان وضعیتی محاکمه قیلینیشی اورنیده، قدرتلی مملکت‌لر رقیبلیکلرینی بیان قیلیب و بیر_بیرلریدن تنقید ایتدیلر.
ایتیلیشیچه، اوشبو ییغین روسیه و امریکا آره‌سیده لفظی تارتیشوو بیلن اوتکزیلگن.
بیزلرنینگ فیسبوک صحیفه‌میزگه باش اورینگ!
روسیه و چین، امریکانی افغانستان نینگ حاضرگی وضعیتی اصلی عاملی دیب و افغانستان نینگ توسیلگن پوللری آزاد ایتیلیشینی طلب قیلگنلر. مقابل ده امریکا اوشبو پول‌لرنی افغانستان نینگ حاضرگی حکومتیگه بیرمسلیگینی بیلدیرگن.
بیرلشگن ملت‌لر تشکیلاتیده امریکا نماینده‌سی لیندا گرینفیلد گه کوره، ترورچی گروه‌لر گه قرشی کوره‌ش ده تعهدلی بولگن مملکت‌لر، افغانستان نینگ حاضرگی حکومتی گه مذکور پول‌لر بیریلیشینی ایستمه‌یدیلر.
شو بیلن بیرگه، مذکور ییغینده اوکراین مسئله‌سی هم محاکمه قیلینگن و چین نینگ بیرلشگن ملت‌لر تشکیلاتی ده‌گی نماینده‌سی، اوز سوزلری ده کوپراق اوکراین مسئله‌سی اوستیده بحث ایتگن.
برچه‌سی بیلن، بیرلشگن ملت‌لر تشکیلاتی خوفسیزلیک کینگشی نینگ اوتگن کیچه ده‌گی ییغینیده، افغانستان نینگ اقتصادی وضعیتی و بشر حقوقی‌دن خواطر بیلدیریلگن.
بیزلرنینگ توییترده هم تعقیب قیلینگ!
اسلامی امارت حکومتی تامانیدن خاتین قیزلر گه یره‌تیلگن چیکلاولر، آلتینچی صنف دن یوقاری قیزلر نینگ مکتب‌لری یاپیق قالیشی و ایش‌سیز کیشی‌لر نینگ سانی کوپه‌یشی اوستیده کوپراق تأکید ایتیلگن.
عین‌حالده، اسلامی امارت حاکمیت نی قولگه آلیشیدن بیر ییل دن کوپ اوتسه ده، بیراق هیچ بیر مملکت افغانستان نینگ حاضرگی حکومتینی رسمیت گه تانیمه‌گن و شونینگدیک افغانستان وضعیتی خواطرلی دیر.
