ایکی آیدن بویان هند ده بند قالگن افغانستان یشاوچی‌لریدن قطاری نینگ ایتیش‌لریچه، مالی قیینچلیک و کسل‌لرنینگ داورلش خره‌جتی نی تأمین قیله آلمه‌گن‌لری باعث، اولرنینگ قولدن بیرگنلر.
اولرنینگ ایتیش‌لریچه، نهایتده عایله اعضالری نینگ جسدلرینی هم مملکت گه انتقال بیره آلمه‌یدیلر و پرواز یوقلیگی و شونینگدیک مسئوللرنینگ توجه‌سیزلیگی باعث، نیچه هفته‌دن بویان جسدلر هند نینگ موزخانه‌لریده قالگن.
عبدالله کمیده ایکی آی آلدین آنه‌سینی درمان‌لش اوچون هند گه انتقال بیرگن ایکن. اونینگ ایتیشیچه، بیر هفته هند ده قالیش گه قرار قیلگن ایکن، بیراق کابل طالبان نظارتی گه اوتیشی بیلن، مملکت گه قیته آلمه‌گن.
اونینگ ایتیشیچه، بیر هفته دن کیین هند ده قالیش و آنه‌سی نینگ درمان‌لش هزینه‌سینی تیار قیله آلمه‌گن و شو یوزه‌‌دن کسل‌لیک کوپه‌یشی بیلن، آنه‌سینی قولدن بیرگن.
بیزلرنینگ فیسبوک صحیفه‌میزگه باش اورینگ!
هند ده بند قالگن افغانستان یشاوچی‌لریدن باشقه بیری داوود نینگ ایتیشیچه، اوتگن هفته آته‌سینی قولدن بیرگن و حاضرگچه اونینگ جسدی نی افغانستان گه انتقال بیره آلمه‌گن.
اونگه کوره، مسئول نهادلر بو توغریده همکارلیک قیلمه‌یش گه علاوه، افغانستان یشاوچی‌لری بیلن یمان رویه قیلیشه‌دی.
هند ده بند قالگن افغانستان یشاوچی‌لری نینگ ایتیش‌لریچه، نیچه مرته ایلچی‌خانه‌لر و مسئول نهادلرگه مراجعت قیلیب و شونینگدیک نیچه کون هند تشقی ایشلر وزیرلیگی برابریده اعتراض یولگه قویگنلر؛ بیراق حاضرگچه هیچ بیر جواب قولگه کیلتیرمه‌گنلر و بو توغریده هیچ بیر اقدام بولمه‌گن.
اسلامی امارت مسئوللری بو توغریده، سلام‌وطندار نینگ تلفنی علاقه‌سیگه جواب بیرمه‌دی.
افغانستان بوتونلی طالبان نظارتی گه اوتگنیدن کیین، کابل قونلغه‌سیده ملکی پروازلر و عادی یشاوچیلرنینگ کیلیب-کیتیشی توختلدی و حاضرگچه مذکور قونلغه نینگ فعالیتی عادی بولمه‌گن.
