هرات یشاوچی‌لریدن قطاری اوشبو ولایتده ناتینچلیکلر و جنایی جرملر نظیری کوریلمه‌گن درجه‌‌ده کوپه‌یگنیدن خواطر بیلدیب و ایتیش‌لریچه، اوشبو ولایتده اوتگن ایکی آیده جرملر میزانی اینیقسه قوراللی اوغیرلاوچیلیک و آدم اوغیرلاوچیلیک کوپه‌یگن.
اولر اسلامی امارت مسئوللریدن هرات ده امنیت نی تأمین‌لش و قوراللی اوغیرلاوچیلیک نی آلدینی آلیش اوچون عملی اقداملر انجام بیریب و مجرم‌لر بیلن قانون اساسیده یول باریلیشی نی سوره‌شگن.
بیزلرنینگ فیسبوک صحیفه‌میزگه باش اورینگ!
هرات شهری نینگ یشاوچی‌لریدن محمد هاشم نظری: «حکومت نینگ بو توغریده جدی و اونملی وظیفه‌سی بار. حکومت شهرلرده چک پاینت ایجاد قیلیب و شبهه‌لی کیشیلرنینگ یوریشی نی آلدینی آلیشی کیره‌ک.»
هرات پولیس قومندانلیگی نینگ جنایی مدیریت رسمی‌لری و پاسپورت اداره مسئوللری نینگ ایتیش‌لریچه، اسلامی امارت کوچلری اوتگن بیر آیده ۱۴۰ دن آرتیق کیشی نی قوراللی اوغیرلاوچیلیک، قتل، شراب ایشلب چیقاریش و ساتیش و شونینگدیک پاسپورت اداره‌سیده جعلی اسناد توزه‌تیش عیبلاوی بیلن قولگه آلگنلر.
هرات پولیس قومندانلیگی نینگ جنایی مدیری سید‌شاه سعادت: «اوتگن بیر آیده ۹۱ واقعه یوزبیرگن و ۸۰۰ واقعه کشف ایتیلگن و بو قضیه‌لر حقیده ۱۴۲ کیشی نی قولگه آلگن میز. اولرنینگ دوسیه‌لرینی قاره‌لاوچیلیککه یوبارگن‌میز و اولر اوزی ایسه توقیف آستیده دیر.»
عین حالده مذکور ولایت پاسپورت مدیری محمد‌ناصر محمدی نینگ ایتیشیچه، اوتگن بیر آیده ۱۰ دن آرتیق پاسپورت نی جعل قیله‌دیگن کیشیلر قولگه آلینگن.
هرات امنیتی رسمی‌لری اوشبو ولایتده جنایی جرملر گه قرشی کوره‌ش و امنیت تامین‌لنیشی خصوصیده ایشانچ بیریب و ایتیش‌لریچه، اولر هرات ده قدرت گه ایریشگن‌لریدن بویان یوزلرچه کیشی نینگ دوسیه‌لری نی عدلی و قضایی نهادلر گه تاپشیرگنلر.
