اسلام امیرلیگی حادثهلرگه قرشی کورهش ادارهسی، بوگون (۲۶-سرطان، جمعه)، دن باشلهب کیلهسی چهارشنبه کونی ۳۱-سرطانگچه، افغانستان شمالی و غربیده هوا حرارتینینگ ۴۵ درجه سانتیگراددن آشیشی پیشبینلیک بولگنینی معلوم قیلگن.
مذکور اداره، بیر بیانیه آرقهلی ایتیشیچه، اوشبو ایسیقلیک تولقینی شمال ده بلخ و جوزجان، غرب ده فراه و نیمروز و جنوبغربده ایسه هلمندنی تاثیر آستیگه قوییشی ممکن.
بو ولایتلرده ایسیقلیک وضعیتی غیرعادی بولیب و ۴۵ درجه سانتیگراددن آشیشی پیشبینلیک بولگن.
پیشبینلیک بولگن مدتده، افغانستان حدودلریدن قطاریده هوا حرارتینینگ نرمال حالتیدن یوقاری کیتیشی کوتیلهدی. ایسیقلیک درجهسی مملکتنینگ یریم شمالی قسمیده ۲ دن ۴ درجه سانتیگراد و جنوبی حدودلریده ایسه بیراز کمراق بولیشی کوتیلماقده.
پیشبینلیک اساسیده، افغانستاننینگ جنوبشرقی، شرقی و شمالشرقی منطقهلریده یینگیلدن اورتهچه درجهدهگی یاغینگرچیلیک ۵ دن ۵۰ ملیمتر بولیشی ممکن. شونینگدیک بو منطقهلرنینگ اَیریم بولیملریده سوو تاشقینی یوز بیریشی خوفی هم موجود دیر.
مملکتنینگ باشقه منطقهلریده ایسه یاغینگرچیلیک پیشبینلیک بولمهی و شونینگدیک هوا قورق شکلده بولیشی ممکن.
