بیرلشگن ملتلر تشکیلاتی باشکاتبی آنتونیو گوترش، اقلیم واقعهلری طفیلی تلفاتنی کمهیتیریشده تیزلیککه آگاهلنتیریش تیزیملرینینگ مهم اورنیگه تاکیدلب و ایتیشیچه، صنعی هوش آگاهلنتیریشلرنینگ تیز، انیق و فایدهلی شکلده اهالیگه ییتیشتیریب و انسانلر حیاتینی قوتقره آلهدی.
کویت اردوسینینگ اعلام قیلیشیچه، ایران آرقهلی «کویت اردوسیگه تیگیشلی نیچه قوریلمه بیلن پایگاه» گه اویوشتیریلگن هجوملر عاقبتیده، بو مملکت کوچلریدن قطاری یرهلنگن.
اسلام امیرلیگی حادثهلرگه قرشی کورهش ادارهسی، بوگون (۲۶-سرطان، جمعه)، دن باشلهب کیلهسی چهارشنبه کونی ۳۱-سرطانگچه، افغانستان شمالی و غربیده هوا حرارتینینگ ۴۵ درجه سانتیگراددن آشیشی پیشبینلیک بولگنینی معلوم قیلگن.
چین تشقی ایشلر وزیرلیگینینگ اعلام قیلیشیچه، بو مملکت تشقی ایشلر وزیری وانگ یی و پاکستان تشقی ایشلر وزیری محمد اسحاق دار، شانگهای ده اوتکزیلگن مذاکرهلرده امریکا بیلن ایران آرهسیده آتیش کیسین برقرار بولیشی و مذاکرهلرنینگ قیته باشلنیشینی سورهگن.
ایراننینگ اعلام قیلیشیچه، آتیش کیسین کیلیشوویدن حاضرگچه امریکا هجوملریده، بو مملکتده قریب ۴۰ کیشی اولگن.
تسنیم آژانسی ایران سپاه پاسداران دن نقل قیلیب گزارش بیریشیچه، سوریه دهگی «التنف» حربی پایگاهسیده جایلشگن امریکا مخصوص کوچلرینینگ قوماندانلیک مرکزینی نشانگه آلگن. سپاه پاسداراننینگ اعلام قیلیشیچه، بو هجوم ایرانشهر ده بو مملکت کوچلریدن قطارینینگ اولگنیگه جواب عملگه آشیریلگن.
بریتانیا حکومتی، کیلهسی اوچ ییلده افغانستان اهالیسینی قوللب-قوتلش مقصد، ۳۱۵ میلیون پوند یاردم بیریشینی معلوم قیلگن.
قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن ۳ مینگ ۵۹۹ افغانستانلیک قاچقیننینگ چیقریلگنینی معلوم قیلگن.
قطرنینگ قوراللی کوچلری بوگون ایرتهلب (۲۶-سرطان/۱۷-جولای، جمعه)، ایران آرقهلی اویوشتیریلگن راکته بیر هجومنی برطرف قیلگن.
ونزویلا پارلمان باشلیغی خورخه رودریگزنینگ اعلام قیلیشیچه، اوشبو مملکتده یوز بیرگن ایکی زلزله نتیجهسیده اولگنلر سانی تورت مینگ ۹۷۰ کیشیگه ییتیشگن.
