تسنیم آژانسی ایران سپاه پاسداران دن نقل قیلیب گزارش بیریشیچه، سوریه دهگی «التنف» حربی پایگاهسیده جایلشگن امریکا مخصوص کوچلرینینگ قوماندانلیک مرکزینی نشانگه آلگن.
سپاه پاسداراننینگ اعلام قیلیشیچه، بو هجوم ایرانشهر ده بو مملکت کوچلریدن قطارینینگ اولگنیگه جواب عملگه آشیریلگن.
بو نهادنینگ کوپهیتیریتیشیچه، شونینگدیک هرمز بوغوزی نظارتی بوتونلی شکلده ایران اختیاریده بولیب، امریکانینگ قیته هجوملری دوام قیلگنی پیتگچه بو یول آرقهلی هیچ قندهی نفت یا-ده گاز صادر بولمهیدی.
شوندهی بیرحالده، ایران اردوسینینگ اعلام قیلیشیچه، امریکانینگ ینگی هجوملریگه جواب بحرین ده بو مملکت حربی اوچاقلر بولگن جاینی نشانگه آلگن.
ایران اردوسینینگ مطبوعات خذمتی بیر بیانیه ترقهتیش بیلن ایتیشیچه، «صاعقه» عملیاتی ۱۱-باسقیچیده، بحرین دهگی «الصخیر» پایگاهسیده امریکا اردوسینینگ یی۸ انیقلاوچی اوچاقلری و تیکاوچرلری بولگن جاینی نشانگه آلگن.
باشقه بیرتاماندن، امریکا قوشمه ایالتلری مرکزی قوماندانلیگی (سنتکام)، نینگ اعلام قیلیشیچه، بوگون ایرتهلب (۲۶-سرطان، جمعه)، کیتمه-کیت آلتینچی کیچه بوییچه هجوملرینینگ کته تولیقینینی یکونلنتیرگن.
سنتکام گه کوره، هجوملرینینگ سونگی کته تولیقینیده ایران دینگیز امکانیتلری، قیرغاقنی نظارت قیلووچی سایتلری و هوا تیزیملری همده حربی لجستیک آستقورمهلری کبی اونلب حربی نشان گه هجوم قیلگن.
امریکا قوشمه ایالتلری مرکزی قوماندانلیگینینگ کوپهیتیریشیچه، ایران حربی امکانیتلرینی کوپراق ضعیفلشتیریش و تجاری کیمهلرگه اویوشتیریلگن سونگی هجوملر برابریده بو مملکتنینگ جوابگرلیککه تارتیلیشی اوچون هجوملری دوام قیلماقده.
ایران و امریکا «اسلامآباد کیلیشوونامهسی» اساسیده آتیش کیسینده بولگنی بیرحالده، اوتگن هفته اوچ کیچه و بو هفته ایسه کیتمه-کیت آلتی کیچه بیر-بیری بیلن توقنشگن.
امریکا و ایران بیر-بیرینی «آتیش کیسیننی بوزیش» و کیلیشوونامه اساسلریگه توختهمسلیککه عیبلماقده.
