تخار ده هوا ایسیق بولیشی بیلن بیرگه، اوشبو ولایت مکتب‌لری نینگ آمرلری و معلم‌لریدن بیرقطاری گه کوره، هر کونی اوقووچیلر هوا ایسیق‌لیگی باعث هوش دن کیته‌دیلر.
اولر نینگ ایتیشلریچه، بیر صنف ده ۴۰ و ۱۰۰ اوقووچی درس اوقیدی و سونگی کون‌لرده هوا درجه‌سی کوتاریلیشی باعث، اولردن قطاری هوش دن کیته‌دی.
بیزلرنینگ فیسبوک صحیفه‌میزگه باش اورینگ!
تخار ولایتی دشت‌قلعه تومنی «النگ لیسه‌سی» آمری عبدالرشید حق‌کوره‌ش نینگ ایتیشیچه: «سونگی کون‌لرده هوا ۴۵ و ۴۸ درجه گه ییته‌دی، اوقووچیلر ایریم قیینچیلیک‌لر بیلن روپه‌ره دیر، حتا هر کونی ۴ و ۸ اوقووچی هوا ایسیق‌لیگی باعث هوش دن کیته‌دی. صنف‌لر آز و اوقووچیلر سانی کوپ دیر، هر صنف ده ۵۰ و ۱۱۶ اوقووچی درس اوقیدی، هوا ایسیق‌لیگی باعث اوقووچیلر و معلم‌لر تیرله‌یدیلر.»
مذکور ولایت ده‌گی اوقیتووچیلر نینگ ایتیشلریچه، مکتب‌لر و درسی صنف‌لرده ساووتگیچ امکانیت یوق و اوقووچیلر آره‌سیده کسل‌لیک ترقه‌لیشیدن خواطرده‌لر.
اوقیتووچیلر مسئوللردن، تخار ولایتیده مکتب‌لر رخصت ایتیلیشینی طلب قیله‌دیلر.
تخار مرکزی تالقان شهری مکتب‌لریدن بیری نینگ اوقیتووچیسی مریم نینگ سلام‌وطندار گه ایتیشیچه: «هر کونی هوا ایسیق‌لیگی باعث قیینچیلیک بیلن دوچ میز، قیزلر نینگ یوزی گه بخار چیقیب و قیزرگن، قیزلر نینگ احوالی جوده هم چتاغ دیر، ایریم کسل‌لیککه چلینیش‌لریدن خواطرده میز چونکه هوا جوده هم ایسیق دیر، پکه و کولر کبی هیچ امکانیت یوق.»
بیزلرنینگ توییترده هم تعقیب قیلینگ!
بیراق تخار معارف ریاستی مسئوللری اوشبو موضوع نی رد قیلیب ایتیشلریچه، هوا ایسیق بولگن تقدیرده معارف وزیرلیگی اوشبو ولایت ده مکتب‌لرنی رخصت قیله‌دی.
تخار معارف باشلیغی حزب‌الله مبشر گه کوره: «سیناولردن آلدین معارف وزیرلیگی تامانیدن برچه ولایت‌لر گه مکتوب صادر بولدی، اقلیم اوزگرگن ۱۰ کون رخصتی اعلام بولگن ایدی و رخصتی دن کیین سیناولر باشلندی و حاضرگچه رسمی رخصتی اعلام بولمه‌گن.»
عین‌حالده، مملکت ده تعلیم و تربیه ساحه‌سیده برچه سعی‌وحرکت‌لر بیلن، تخار ده کوپ سانده اوقووچیلر مکتب‌لر نینگ بناسیزلیگی باعث، یاز موسومی ده ایسیق هوا و قهرتان قیش ده ساووق هوا ده درس اوقیدیلر.
