لوگر حاکمی اورین‌باسری مولوی انعام‌الله صلاح‌الدین، خبری بیر ییغینده ایتیشیچه، لوگر نینگ خوفسیزلیک و کشفی نهادلری مذکور ولایت پاسپورت آمریتیده مالی فساد عامللری نی قولگه آلگن.
او، اسلامی امارت مسئوللری نینگ اداری فساد‌دن توسیق بولیش اوچون سعی و حرکت قیلیش‌لریدن خبر بیریب و ایتیشیچه، شونینگدیک استخبارات اداره‌سی فساد گه چلینگن کیشیلر نینگ تانیب و قولگه آلیش اوچون سعی و حرکت قیله‌دی.
بیزلرنینگ فیسبوک صحیفه‌میزگه باش اورینگ!
شونینگدیک لوگر امنیه قومندانلیگی نینگ جنایی جرم‌لر گه قرشی کوره‌ش مدیری مولوی محمد اکرم تایب نینگ ایتیشیچه، لوگر پاسپورت اداره‌سیده مالی فساد گه تیگیشلی ۱۳ کیشی نی قولگه آلیب و اولردن قطاری نی محکمه گه معرفی قیلگن.
اونینگ ایتیشیچه، قولگه آلینگن کیشیلر نینگ یانیدن جعلی بانک بِل نینگ چاپ قیلووچی ماشینی، نیچه پایه کمپیوتر و جعلی تاپه قولگه کیلگن. جناب تایب نینگ کوپه‌یتیرشیچه، اولر ۱ میلیون و ۸ یوزمینگ افغانی‌دن الی ۲ میلیون افغانی نی اوغیرلگنلر.
قولگه آلینگنلردن وحیدالله، اوز جرمی گه اعتراف قیلیب و ایتیشیچه، اولر جعلی بانک بِللری نینگ چاپ قیلیش بیلن، اهالی نینگ پولی نی اوز کیسه‌لری گه توپلگنلر.
اونگه کوره، باشقه بیر قطار کیشی او بیلن شریک ایکن و حاضر ایسه قاچگنلر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «مین بو جرم‌ده شریک‌مین. شونده‌ی باشقه بیر کیشی هم شریک ایدی، اسمی خواجه فرهاد و لوگر پاسپورت آمریت اورین باسری ایدی. جعلی بانک بِللری نینگ چاپ قیلیش ماشینی، کمپیوتر و جعلی تاپه نی مین گه بیرگن ایدی. بو جرم‌ده سلیم ناملی باشقه بیر کیشی هم بیزلر بیلن شریک ایدی.»
شونده‌ی بیرحالده، نیچه زمان آلدین رسانه‌لردن قطاری لوگر پاسپورت عوایدیدن ۳۰ میلیون افغانی نینگ اوغیرلنگنیدن خبر بیرگن ایدی؛ بیراق بوگون ایسه اوشبو ولایت محلی مسئوللریدن قطاری بو گزارشلر نینگ رد قیلیب و ایتیش‌لریچه، اوغیرلنگن پول مقداری ۱ میلیون و ۸ یوز مینگدن ۲ میلیونگچه ایدی.