فاریاب ولایتی‌ده قول صناعتی ساتووچیلر و ایشلب چیقروچیلردن قطاری، اوشبو ولایت‌ده قول صناعتی بازاری نینگ تنزل گه یوز توتگنی‌دن خبر بیره‌دیلر.
فاریاب ولایتی‌ده قول صناعتی ایشلب چیقروچیلردن بیری زینب نینگ ایتیشیچه، اوتگن ییل‌لر تشقی موسسه‌لر نینگ قول صناعتی‌دن حمایت قیلیشلری سبب، قول صناعتی بازاری یخشی ایکن؛ بیراق قریب ایکی ییل جریانیده تشقی موسسه‌لر فعالیتی نینگ کمه‌یشی بیلن، قول صناعتی بازاری تنزل گه یوز توتگن.
او حکومت و ملی سوداگرلردن، ایچکی تولید‌لر خصوصیده سرمایه یاتقیزیش بیلن، ایشلب چیقروچیلردن حمایت قیلیشلری نی ایسته‌گن. «اوتگن ییل‌لرده تشقی موسسه‌لردن قطای نینگ حمایت قیلیشی سبب، اوشبو صناعت بازاری یخشی ایدی، بیراق تشقی موسسه‌لر فعالیتی کمه‌یگنی بیلن، قول صناعتی بازاری تنزل گه یوز توتگن.»
بیزلرنینگ توییترده هم تعقیب قیلینگ!
شونده‌ی بیرحالده، میمنه شهری‌ده قول صناعتی ساتووچیلردن بیری سید عزت‌الله نینگ سلام‌وطندار گه ایتیشیچه، اوتگن ییل‌لرده اهالی توی‌لری اوچون سرتختکی، توشک و یاستیق، روجایی و کییم-کیچک فرمایش بیره‌ر ایکنلر؛ بیراق حاضر ایسه «سونگی بیر ییل جریانیده، نرسه‌لر قیمتی یوقاری کیتیشی و ایش یوقلیگی سبب، اهالی قول صناعتی نی آلیش گه امکانیتی یوق.»
شونده‌ی بیرحالده، فاریاب ولایتی صناعت و سوداگرلیک بولیمی آمری نقیب‌الله حنفی، قول صناعتی بازاری نینگ تنزل گه یوز توتگنی نی تصدیق‌لب سلام‌وطندار گه ایتیشیچه، وارد بوله‌دیگن تواردلر مملکت‌ده ایشلب چیقاریله‌دیگن توارلر گه نسب ارزان دیر، انه شوو سبب، ایچکی تولید‌لر بازاری اینیقسه قول صناعتی بازاری تنزل گه یوز توتگن.
بیزلرنینگ فیسبوک صحیفه‌میزگه باش اورینگ!
او، ایچکی تولید‌لردن حمایت بولینیشی گه تاکید‌لب حکومت‌دن، ایچکی توار بازاری نینگ یخشی بولیشی اوچون مملکت‌ده تولید بوله‌دیگن توارلر مالیاتی نینگ کمه‌یشی و وارد بوله‌دیگن توارلر مالیاتی کوپه‌یشی نی ایسته‌گن. «ایچکی تولید‌لر مالیاتی نینگ کمه‌یشی و وارد بوله‌دیگن توارلر مالیاتی کوپه‌ییشی کیره‌ک که بو رقم، ایچکی توارلر بازاری یخشی بولسین.»
ایتش کیره‌ک که، گلدوزلیک، زردوزلیک، ادرم دوزلیک و مهره دوزلیک کبی قول صناعتی، کوپراق محفلی کییم‌لر، سرتختی، روجایی، توشک و یاستیق اوچون قوللنیله‌دی که، اوتمیش ییل‌لردن بیری مملکت‌ده ایشلب چیقریله‌دی؛ بیراق حاضر ایسه مملکت‌ده اقتصادی قیین‌چیلیک‌لر سبب، اوشبو صناعت بازاری تنزل گه یوز توتگن.
