فاریاب ده فرهنگسیورلردن بیرقطاری نینگ ایتیشلریچه، اوشبو ولایت ده تاریخی آبدهلر بوزیلیش خطری بیلن روپهره بولگن. اولر گه کوره، سونگی ییللرده اوشبو ولایت دهگی تاریخی آبدهلر گه هیچ دقت قیلینمهگن.
فاریاب ده یازووچی و فرهنگسیورلردن بیری سید تاجالدین تاشقین بهایی نینگ ایتیشیچه، حکومت مذکور ولایت دهگی تاریخی آبدهلرنی قوریقلش گه مکلف دیر. او نینگ کوپهیتیریشیچه: «تاریخی جایلر و آبدهلر گه دقت قیلمهدیک، فاریاب دهگی برچه باستانی و تاریخی آبدهلر بوزیلیش خطری بیلن روپهره بولگن. کوپ سانده آبدهلر جمهوریت توزومی نینگ ۲۰ ییللیک حاکمیتیده خارجیلر تامانیدن تالان_تاراج قیلیندی.»
بیزلرنینگ فیسبوک صحیفهمیزگه باش اورینگ!
فاریاب ده فرهنگسیورلردن باشقه بیری حسیبالله نینگ ایتیشیچه: «اوتگن ۲۰ ییل ده حکومتلر تامانیدن تاریخی آبدهلر گه هیچ دقت قیلینمهدی و اوشبو تاریخی آبدهلر قیته تیکلنمهی و ویرانه گه اوزگرگن. تاریخی آبدهلر قیته تیکلهنیشیگه امیدوار میز.»
فاریاب ده فرهنگسیورلر، اوشبو ولایت محلی مسئوللری دن تیزلیک بیلن مذکور ولایت دهگی تاریخی آبدهلرنی قیته تیکلش اوچون اقدام قیلیشلرینی ایستهیدیلر.
عینحالده، فاریاب معلومات و مدنیت باشلیغی شمسالله محمدی گه کوره، فاریاب ده ۱۶۳ تاریخی آبده دن، اولردن بیرقطاری طبیعی واقعهلر طفیلی بوزیلیب و باشقه بیر قطاری بوزیلیش خطری بیلن روپهره بولگن.
بیزلرنینگ «ایکس» ترماغی ده هم تعقیب قیلینگ!
او نینگ کوپهیتیریشیچه: «اوتگن ۲۰ ییل ده تاریخی آبدهلر گه دقت قیلینمهگن؛ عینحالده تاریخی آبده مملکت نینگ فرهنگ و کیملیگی سنلهدی. انشاءالله اسلام امیرلیگی و معلومات و مدنیت ریاستی بوتوغریده دقت قیلهدی.»
عینحالده، فاریاب ده فرهنگسیورلردن بیرقطاری، فرهنگی و باستای آبدهلرنی مملکت نینگ تاریخی و فرهنگی بیلگیسی عنوان قیلگن بیرحالده، اولردن بیرقطاری ویرانه گه اوزگرگن.