ایران ییتکیرمه‌لری گه کوره، اوتگن هفته ۱۳-جدی، چهارشنبه کونی، اوشبو مملکت نینگ کرمان ولایتیده اویوشتیریلگن خودکش هجومچیلردن بیری، تاجیکستان‌لیک ایکن‌لیگی انیقلنگن.
ایران معلومات وزیرلیگی بیر بیانیه ترقه‌تیب ایتیشیچه، کرمان شهری ده خودکش هجوم اویوشتیرگنلردن بیری تاجیکستان‌لیک بولیب و باشقه ایکی هجومچی نینگ کیم‌لیگی حاضرگچه قطعی شکلده انیقلنمه‌گن.
بیزلرنینگ فیسبوک صحیفه‌میزگه باش اورینگ!
بیانیه گه بناً، ایران نینگ کرمان ولایتیده اویوشتیریلگن خودکش هجوم‌لر گه باغلیق حاضرگچه ۱۱ کیشی حبس گه آلینگن.
ایران ییتکرمه‌لری نینگ گزارشی اساسیده، اوتگن هفته چهارشنبه کونی اوشبو مملکت نینگ کرمان ولایتیده اویوشتیریلگن هجوم‌لرده اولگنلر آره‌سیده، ۱۱ افغانستان‌لیک یشاوچی هم شامل دیر.
ایسنا آژانسی، افغانستان اوچون ایران جمهور باشلیغی مخصوص نماینده‌سی نینگ ییتکرمه‌لر ایشلری بوییچه اورین باسری مهدی‌پوردن نقل قیلیب یازیشیچه، اولگن کیشی‌لر آره‌سیده ۱۱ ته افغانستان‌لیک یشاوچی نینگ جسد‌ی بار و اولر کرمان ولایتی «گلزار شهدا» گه زیارت اوچون بارگن ایکنلر.
بیزلرنینگ «ایکس» ترماغی ده هم تعقیب قیلینگ!
قدس سپاه پاسداران کوچلری نینگ سابق قومندانی قاسم سلیمانی اولدیریلگن‌لیگی نینگ تورتینچی ییل‌لیگی مناسبتی بیلن یولگه قوییلگن مراسم‌ده یوز بیرگن پارتلش‌لرده، ۱۰۳ کیشی اولیب و باشقه ۱۴۱ کیشی یره‌لنگنی معلوم قیلینگن.
