مهاجرلر وزیرلیگی نینگ هیئتی، افغان مهاجرلری باره‌سیده تورت تامانلمه ییغیلیشده اشتراک ایتیش مقصدیده اوتگن کون –شنبه، ۱۹ قوس، ایران گه ییتیب بارگن.
بیرلشگن ملت‌لر تشکیلاتی، ایران، پاکستان و اسلام امیرلیگی نماینده‌لری اشتراکی بیلن مذکور تورت تامانلمه ییغیلیش بوگون (یکشنبه، ۲۰ قوس) تهران ده یولگه قوییلیب و بیش کونگچه دوام تاپیشی کوتیله‌دی.
بیزلرنینگ فیسبوک صحیفه‌میزگه باش اورینگ!
مهاجرلر وزیرلیگی نینگ مسلکی و فنی معینی عبدالرحمان راشد، اوشبو ییغیلیشدن مقصد، مملکت گه افغان مهاجرلری قیتیشی اوچون امکانیت‌لرنی تیکشیریش عنوان قیله‌دی.
اونینگ ایتیشیچه: «تورت تامانلمه ییغیلیش بیرلشگن ملت‌لر تشکیلاتی، ایران، پاکستان و اسلام امیرلیگی نماینده‌لری بیلن تهران ده اوتکزیله‌دی و بو ییغیلیشدن اساسی مقصد، مهاجرلر قیینچیلیکلری و اولر نینگ اولکه گه قیتیش امکانیت‌لرینی تیکشیریش دیر.»
مهاجرلر وزیرلیگی مسئوللری نینگ ایتیشلریچه، مملکت گه قیتگن مهاجرلر گه باش پنه و ایش فرصت‌لری یره‌تیله‌دی.
بیزلرنینگ توییترده هم تعقیب قیلینگ!
اوشبو وزیرلیک نینگ معلوماتی اساسیده، حاضر ایران و پاکستان ده ۶ میلیون ۵۰۰ مینگ افغانستان‌لیک مهاجر بار و ایریم پیت‌لر روحیات و فزیکی زوروانلیکلر بیلن روپه‌ره بولیشه‌دی.
