افغانستان دن منطقه اولکه‌لر گه بنگی‌وار ماده‌لر قاچاق بولیشی گه دایر خواطرلر دوام ایتماقده ایکن، بو سفر ایران رسمی‌لریدن بیری افغانستان دن صناعتی نرکوتیک‌لر تاپیلیشی آرتیب باره‌یاتگنیدن خواطر بیلدیرگن.
ایرنا آژانسی نینگ معلوماتی اساسیده، جمعه کونی، ۸-جدی، ایران بنگی‌وار ماده‌لر گه قرشی کوره‌ش پولیس باشلیغی ایرج کاکاوند، بوشهر ده مطبوعاتی ییغیلیش ده، اوشبو ییل باشله‌نیشیدن حاضرگچه، بو مملکت ده ۴۷۰ تُن تورلی خیل نرکوتیک تاپیلگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
ایران بنگی‌وار ماده‌لر گه قرشی کوره‌ش پولیس باشلیغی گه کوره، افغانستان دن صناعتی بنگی‌وار ماده‌لر تاپیلیشی ۲۱ فایز گه آشگن: «بو تاپیلیش‌لر، افغانستان دن صناعتی نرکوتیک‌لر تاپیلیشی ۲۱ فایز آشگنینی کورسته‌دی.»
شو بیلن بیرگه، افغانستان سرپرست حکومت ایچکی ایشلر وزیرلیگی مسئوللری گه کوره، اسلام امیرلیگی حاکمیتیدن کیین، اولکه بویلب ۱۸ مینگ ۵۰۰ عملیات اویوشتیریلگن و نهایت ۱۱ مینگ بنگی‌وار ماده‌لر قاچاقچیسی حبس گه آلینگن.
ایچکی ایشلر وزیرلیگی بنگی‌وار ماده‌لر گه قرشی کوره‌ش معینیتی دفتر باشلیغی حسیب‌الله احمدی، افغانستان ده بنگی‌وار ماده‌لر ایکیلیشی و قاچاقی آلدی آلینیشی اوستیگه تاکیدلب ایتیشیچه، اولکه بویلب بنگی‌وار ماده‌لر قاچاقی و ایکیلیشی صفر گه ییتیشگن.
بیزلرنینگ «ایکس» ترماغی ده هم تعقیب قیلینگ!
او نینگ سلام‌وطندار گه ایتیشیچه: «اسلام امیرلیگی افغانستان ده هیچ کیمگه بنگی‌وار ماده‌لرنی قاچاق و ایکیش گه رخصت بیرمه‌یدی و بو ایشنی قیله‌دیگنلر اسلام امیرلیگی تامانیدن حبس گه آلینیب و عدلی نهادلر گه تاپشیریله‌دی.»
ایتیش کیره‌ک، بوندن آلدین بیرلشگن ملت‌لر تشکیلاتی نینگ جنایی جرم‌لر و بنگی‌وار ماده‌لر گه قرشی کوره‌ش دفتری ترقه‌تگن گزارشی ده، افغانستان دنیا بویلب متام‌فتامین نی ایشلب چیقروچی بیرینچی مملکت بولیب و قوشنی اولکه‌لر گه بو مواد قاچاقی، ۱۳ فایز آشگنینی ایتگن ایدی.
