چیت‌ایللیک کوچلر افغانستان نی ترک قیلگن بیرحالده، ناتو باش کاتبی ینس استولتنبرگ نینگ ایتیشیچه، مذکور تشکیلات بیرلشیک‌لری کابل ده ملکی و دیپلماتیک حضوری گه دوام بیریب و افغانستان امنیتی نهادلری نینگ ظرفیت‌لری یوقاری کیتیشی اوچون، اولرگه همکارلیک و مصلحت بیریشی ممکن. اوتگن کون ناتو باش کاتبی، بروکسل ده ایتیشیچه، افغانستان دن حربیلرنینگ چیقیشی بو مملکت بیلن علاقه‌لرنی کیسیش معناسیگه ایمس.
آمریکا مرکزی قومندانلیک ستادی (سنتکام) نینگ اعلام قیلیشیچه، آمریکا کوچلرنینگ افغانستان دن چیقیش زمانی اعلام ایتیلگنیدن بویان، حربیلر و حربی جهازلرنینگ چیقاریش پروسه‌سی ۳۰ الی ۴۴ فایز یکونلنگن.
سنتکام گه کوره، مذکور حربیلر توغری و مسئولانه شکلده افغانستان دن چیققن.
مرکزی بغلان تومنی نینگ محلی و امنیتی منبع‌لری سلام‌وطندار بیلن صحبت اوتکزیب ایتیش‌لریچه، بو تومن پولیس قومندانلیگی ده بمب جایلشتریلگن موتر پارتله‌شی ده امنیتی کوچلردن ۴ ته‌سی و بیر تینچ‌اهالی هلاک و بو تومن پولیس قومندانی شامل ۱۴ حربی ۳۰ دن آرتیق تینچ‌اهالی بیلن تن جراحتی کوتارگن.
نماینده‌لر کینگش اعضالریدن قطاری، بوگونگی عمومی ییغین‌لریده مملکت ولایت‌لریدن قطاری ده اوروش دوام تاپیشی و زوروانلیکلر کوپه‌یگنیدن خواطر بیلدیریب و ایتیش‌لریچه، تومن‌لرده طالبان هجومی نینگ دوامی بار و اولر نهایتده شهرلر و ولایت‌لرنینگ مرکزی گه قدر ییتیشگن.
فیض‌آباد تومن پولیس قومندانی محمد نادر نینگ ایتیشیچه، پاکستانلیک حربیلر طالبان همکارلیگی بیلن مذکور تومن نینگ گرجک قیشلاغیده باله‌لرگه خودکش هجوم نی تعلیمات بیره‌دی. جناب نادر گه کوره، طالبان برنامه‌لرینی عمل گه آشیریش اوچون ۸ الی ۱۰ یاشر باله‌لرنی تنله‌ب و تعلیمات بیریش اوچون اوزلری بیلن آلیب کیته‌دی.
ایچکی ایشلر وزیرلیگی مسوول‌لری نینگ ایتیش‌لریچه، اوتگن بیر آی جریانیده طالبان تامانیدن اویوشتیریلگن هجوم‌لر نتیجه‌سیده ۲۴۸ تینچ اهالی هلاک و باشقه ۵۲۷ تینچ اهالی یره‌لنگن دیر.
بیراق، طالبان گروهی نینگ بو ادعانی رد قیلیب ایتیشیچه، تینچ اهالی تلفاتی نینگ اصلی عاملی امنیتی کوچلر دیر.
ایچکی ایشلر وزیرلیگی مسئوللری نینگ ایتیش‌لریچه، البیرونی بیلیم‌یورت استادلری نینگ موتری ده یوزبیرگن پارتلش ده، ۴ کیشی جان بیرگن. ایچکی ایشلر وزیرلیگی سوزلاوچیسی طارق آرین نینگ ایتیشیچه، مذکور حادثه‌ده ۴ کیشی هلاک و باشقه ۱۱ کیشی ایسه یره‌لنگن. اونگه کوره، حادثه قربانی‌لری البیرونی بیلیم‌یورتی نینگ طلبه‌لری و استادلری دیر.
آمریکا حربی‌لری نینگ قوشمه ستاد باشلیغی جنرال مارک میلی گه کوره، حاضر ترجمانلر و آمریکا بیلن ایشله‌گن کیشی‌لردن کوپینچه‌سی، طالبان نینگ هجومی نی خطری بیلن قرار تاپگن. جنرال مارک میلی نینگ اورغولشیچه، حاضر ترجمانلر و آمریکا بیلن ایشله‌گن کیشی‌لرنی افغانستان دن چیقاریش ریجه‌سی اوستیگه جدی ایش قیلینماقده.
غور یشاوچی‌لری، غور-کابل و غور-هرات قتناو یولی نینگ قربانی‌لرینی حق‌لریدن مدافعه قیلیش اوچون، بو قتناویول نی باغله‌گنلر. اولر ۴ ماده‌لیک بیر قطع‌نامه صادر قیلیش بیلن آگاه‌لنتیریش‌لریچه، بو قتناویول خوفسیزلیگی تأمین‌لنیب و اهالی ایسته‌کلریگه ایریشگونگه قدر، قتناویول نی کیلیب-کیتیش یوزیگه آچمه‌یدیلر.
قندهار نینگ ارغنداب، پنجوایی، ژیری و میوند تومن‌لری، ۵ آیدن بویان جدی آتیشمه‌لرگه شاهد دیر و ارغنداب تومنی ایسه، منطقه‌لریدن کوپینچه‌سی ماین دن تولیق بولگن بیر تومن دیر.
قندهار معارف ریاستی نینگ رسانه مسئولی نظرمحمد صمیمی نینگ سلام‌وطندارگه ایتیشیچه، اوروش باعث بو تومنده یوزلرچه عایله بدرغه بولگن.
لغمان ولایتی نینگ بیرقطار تومن‌لریده طالبان جنگری‌لریگه قرشی حربی عملیات دوام قیلماقده و دولت رسمی‌لری نینگ ایتیش‌لریچه، طالبان نینگ هجومی کیین‌گه اوریلگن.
لغمان حاکمی اورین باسری رحمت‌الله یارمل نینگ ایتیشیچه، مذکور عملیات‌لرده طالبان کوپ قطار جنگریلری هلاک و یره‌لگن، لیکن طالبان سوزلاوچیسی ذبیح‌الله مجاهد نینگ ایتیشیچه، لغمان ده تصرف ایتیلگن منطقه‌لر حاضرده هم نظارت‌لریگه دیر.
اوتگن کیچه مرکزی بغلان تومنی نینگ عمرخیل قیشلاغیده، ۷ حربی و ۳ تینچ‌اهالی قماقخانه نینگ دیواری نی تخریب قیلگندن کیین، قاچیب و اوزلرینی حربی بیر قرارگاه گه ییتیشتیرگن. قاچیش گه موفق بولگن عسکرلردن بیری محمدالله نینگ ایتیشیچه، ۴۵ کون آلدین پلخمری شهری نینگ عمومی قتناویولیدن اوغیرلنگن ایکن.
مهترلام شهریده اوروش نی رهبرلیک قیله‌دیگن حربی ستاد باشلیغی محمدیاسین ضیا و ملی خوفسیزلیک عمومی ریاستی نینگ اوپراتیفی اورین‌باسری خوشحال سادات نینگ ایتیش‌لریچه، امنیتی کوچلر آلغه کیتماقده و بو ولایتده خوفسیزلیک وضعیت اولرنینگ نظارتی گه دیر.
یاسین ضیا گه کوره، لغمان مرکزی ده طالبان هجومی آرقه گه اوریلگن.
لوگرده ایشانچلی امنیتی بیر منبع نینگ سلام‌وطندارگه ایتیشیچه، طالبان مذکور ولایت مرکزی پل‌علم شهریده گروهی هجوم قیلیب و بو شهر نی نظارت گه آلیش اوچون برنامه آلگن.
منبع نینگ کوپه‌یتیریشیچه، طالبان نینگ هجومی باعث شهر خوفسیزلیک کمربندی سینگن و بو ولایتده اونلرچه پوسته طالبان نظارتی گه اوتگن.
تشقی ایشلر وزیرلیگی اوتگن کون (شنبه ۱- جوزا) بیر خبرنامه ترقه‌تیش بیلن ایتیشیچه، افغانستان دولتی ظرفیت قوریش، امنیتی نهادلردن حمایت قیلیش، مالی حمایت، امنیتی و مدافعه کوچلرگه تعلیمات بیریش و هواقونالغه نینگ فعالیتی دوام تاپیشی اوچون خدمتلر ارایه قیلیش توغریسیده‌گی ناتو نینگ بیاناتی نی خوش قرشی‌لگن.
اوشبو واقعه‌دن سونگ، سیدالشهدا مکتبی‌ده اویوشتیریلگن هجومده شهید بولگن‌لرنی توپراققه قویش و یره‌لنگنلرنی درمان‌لش مردمی ستاد مسوول‌لری، مذکور واقعه تیکشیریلیشی اوچون امنیتی کوچلرگه زمان بیرگن ایدیلر، بیراق مذکور واقعه‌دن کمیده ایکی هفته اوتماقده و اوشبو ستاد مسوول‌لری نینگ ایتیش‌لریچه، حقیقت‌لرنی تاپیش اوچون هیچ‌قنده‌ی سعی و حرکت صورت تاپمه‌گن.
