اوتگن کون شام چاغی طالبان جنگریلری لغمان عمومی قماقخانه‌سی و مذکور ولایت مرکزی مهترلام شهر اطرافیده هجوم قیلدی؛ بیراق کیین‌راق وضعیت یخشی بولیب و طالبان هجومی آرقه گه اوریلدی. مهترلام شهریده اوروش نی رهبرلیک قیله‌دیگن حربی ستاد باشلیغی محمدیاسین ضیا و ملی خوفسیزلیک عمومی ریاستی نینگ اوپراتیفی اورین‌باسری خوشحال سادات نینگ ایتیش‌لریچه، امنیتی کوچلر آلغه کیتماقده و بو ولایتده خوفسیزلیک وضعیت اولرنینگ نظارتی گه دیر.
یاسین ضیا گه کوره، لغمان مرکزی ده طالبان هجومی آرقه گه اوریلگن. حربی ستاد باشلیغی نینگ ایتیشیچه، ایکی کوندن بویان لغمان نینگ ایریم بولیمی ده فنی و تبلیغاتی قیینچیلیکلر باعث امنیتی تهدیدلر اورته گه چیققن؛ بیراق یاردمچی کوچلر ییتیب باریشی بیلن وضعیت اوزگرگن.
اونینگ ایتیشیچه، امنیتی کوچلر مهترلام و الینگار یول مسیری ده عملیات قیله‌دی. حربی ستاد باشلیغی گه کوره، مهترلام شهری نینگ خوفسیزلیک وضعیتی تأمین‌لنگن و حاضر هیچ قنده‌ی خواطر یوق دیر.
بیزلرنینگ فیسبوک صحیفه‌میزگه هم باش اورینگ!
شونده‌ی بیرحالده، لغمان حاکمی رحمت‌الله یارمل نینگ ایتیشیچه، یاردمچی کوچلر باریشی بیلن مهترلام شهری و مذکور ولایت تومن‌لری نینگ وضعیتی یخشی‌لنگن. لغمان حاکمی، بو ولایت وضعیتی یخشی‌لنگنی و اهالی خواطرلنمه‌سلیگی توغریسیده یشاوچی‌لرگه ایشانچ بیرگن.
رحمت‌الله یارمل نینگ کوپه‌یتیریشیچه، امنیتی کوچلرنینگ عملیاتی نتیجه‌سیده طالبان گروهی گه آغیر تلفات ییتیشگن و حاضر عملیات الیشنگ و الینگار تومن‌لری تامان جریان تاپماقده.
بیزلرنینگ توییترده هم تعقیب قیلینگ!
باشقه بیر تاماندن مدافعه وزیرلیگی بیر خبرنامه ترقه‌تیب ایتیشیچه، اوتگن کیچه لغمان نینگ ایریم بولیمی ده ییر و هوا دن اویوشتیریلگن هجوم ده، ۵۰ طالب هلاک و باشقه ۶۰ ته‌سی ایسه یره‌لنگن.
طالبان حاضرگچه بو توغریده فکر بیلدیرمه‌گن.
