ایچکی ایشلر وزیرلیگی سوزلاوچیسی طارق آرین نینگ ایتیشیچه، مذکور هجوم‌ده لغمان حاکمی نینگ ۴ قوروقچیسی و ۴ تینچ‌اهالی هلاک بولگن. جناب آرین نینگ کوپه‌یتیریشیچه، اوشبو حادثه‌ده ۲۸ تینچ‌اهالی و ولایت حاکمی نینگ ۲ قوروقچیسی یره‌لنگن.
ایچکی ایشلر وزیرلیگی نینگ اعلامیه‌سی اساسیده، بوگون (دوشنبه ۱۴- میزان) ایرته‌لب ساعت ۹:۴۵ اطرافیده لغمان حاکمی رحمت‌الله یارمل نینگ موترلرینی کاروانی مذکور ولایت مرکزی مهترلام شهری «سلطان غازی بابا» شهرچه‌سی نینگ اوچ یولیده خودکش هجوم گه دوچ کیلگن.
ایچکی ایشلر وزیرلیگی سوزلاوچیسی طارق آرین نینگ ایتیشیچه، مذکور هجوم‌ده لغمان حاکمی نینگ ۴ قوروقچیسی و ۴ تینچ‌اهالی هلاک بولگن. جناب آرین نینگ کوپه‌یتیریشیچه، اوشبو حادثه‌ده ۲۸ تینچ‌اهالی و ولایت حاکمی نینگ ۲ قوروقچیسی یره‌لنگن.
شونینگدیک لغمان حاکمی سوزلاوچیسی اسدالله دولت‌زی نینگ سلام‌وطندارگه ایتیشیچه، بو هجوم‌ده ۴ تینچ‌اهالی و ۴ حربی شامل حاضرگچه ۸ کیشی هلاک و باشقه ۲۰ کیشی یره‌لنگن. اونگه کوره، قربانیلر رقمی نینگ کوپه‌یش احتمالی بار.
لغمان ولایتی نینگ ساغلیک ریاستی باشلیغی صمدعلی نینگ ایتیشیچه، حادثه محلیدن حاضرگچه ۵ جسد و ۲۰ یره‌دار کسلخانه گه انتقال بیریلگن.
لغمان حاکمی اورین‌باسری شهزاده مظلوم‌یار نینگ ایتیشیچه، مذکور حادثه بم جایلشتیریلگن بیر موتر پارتله‌شی باعث یوزبیرگن کیم نتیجه‌ده، ولایت حاکمی ینگیل جراحت کوتاریب و اونینگ اوچ قوروقچیسی هلاک ایتیلگن.
حادصه مسئولیتی نی طالبان شامل حاضرگچه هیچ بیر گروه بوینیگه آلمه‌گن.
