فاریاب، غزنی و بادغیس ولایت‌لردن قولگه کیلگن معلومات‌لرگه کوره، اوشبو ولایت‌لرنینگ ۶ تومنی شدتلی آتیشمه‌لردن سونگ، طالبان قولیگه سقوط قیلگن. فاریاب ولایتی نینگ قیصار و دولت‌آباد تومنی، غزنی ولایتی نینگ آب‌بند و جغتو تومنی و بادغیس ولایتی نینگ جوند تومنی طالبان نظارتی‌گه اوتگن تومن‌لر جملهسیدن دیر.
جوزجان ولایتی کینگش اعضالریدن بیرقطاری نینگ ایتیش‌لریچه، اوشبو ولایت نینگ آقچه، فیض‌آباد، مردیان، خانقاه، منگجیک، قرقین، خماب، درزاب و قوش‌تپه تومن‌لری اقتصادی تحریم آستیگه قرار تاپگن.
جوزجان ولایتی کینگش اعضالریگه کوره، جوزجان مرکزی و ۷ ولایتیده امنیتی وضعیت خواطرلنترووچی دیر و دقت بولمه‌گن صورتده، مذکور تومن‌لری طالبان قولیگه سقوط قیلیشی ممکن.
هرات ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، طالبان جنگریلری اوتگن “یکشنبه” کیچه اوشبو ولایت نینگ پشتون‌زرغون تومنیده مردمی کوچلرنینگ «سیدآباد» نام‌لی پوسته‌سی اوستیگه هجوم قیلگنلر.
فاریاب ولایتی نینگ قیصار تومنی اوتگن کون طالبان نظارتی گه اوتدی، بیراق حربی‌لردن کمیده ۳۰ ته‌سی اوزلرینی طالبان قمرویدن نجات بیریب و امنیتی کوچلرنینگ نظارتی گه بولگن «کوهی» قیشلاغیده‌‌گی حربی‌لرگه ییتیشتیردی، بیراق کوپ وقت اوتمه‌دی که کوهی قیشلاغی هم طالبان قولیگه سقوط قیلدی.
انسان حقلر ایرکین کمیسیون اورین باسری نعیم نظری، مذکور کمیسیون تأسیس ایتیلگنی نینگ ۱۹- ییل‌لیگیدن نشانلش مراسم‌ده، افغانستان ده اوروش دوام تاپگنی و امنیتی وضعیت یمان بولگنیدن خواطر بیلدیرگن. جناب نظری نینگ ایتیشیچه، یالغیز میلادی ۲۰۲۱- ییل می آیی ده ۹۹۶ تینچ‌اهالی هلاک و یره‌لنگن.
اعتراضچی‌لر ملی مصالحه کینگشی باشلیغی عبدالله عبدالله و اونینگ مصلحتچیسی نورمحمد سکندری نینگ صورت‌لرینی اوت‌گه تارتیب ادعا قیلیش‌لریچه، نورمحمد سکندری ۲۲ یاشیده بولگن بیر کیشی‌نی اوتگن کونی شام چاغیده جبل‌السراج تومن بناسی‌ده اوققه توتیب اولدیرگن.
فاریاب ولایتی کینگش عضوی نادر سعیدی نینگ سلام‌وطندارگه ایتیشیچه، قیصار پولیس قومندانلیگی و بلدیه بناسی طالبان نظارتی‌گه اوتگن و آتیشمه نتیجه‌سیده اوشبو تومن پولیس قومندانی سیف‌الرحمان دهزاد شامل ۱۴ حربی هلاک و باشقه ۳۷ حربی طالبان قولیگه اسیر بولگن.
محمدنادر، غور مرکزی فیروزکوه شهری نینگ یشاوچی‌سی دیر. او، کم‌بغل‌لیک، ایش‌سیزلیک و ناتینچلیکلر سبب، چیت‌ایللیک مملکت‌لردن بیریده تینچ فضا ده تیریک چیلیک قیلیش مقصد ده ۳ ییل آلدین نامنظم مهاجرلیک آرقه‌لی افغانستان‌نی ترک قیلگن. محمدنادر، پاکستان و ایران یول‌لری آرقه‌لی اوزینی ترکیه‌ده ییتیشتیرگن.
مینا خیری اوتگن “پنجشنبه” کونی شام چاغیده، کابل نینگ «پل سوخته» منطقه‌سیده یوز بیرگن پارتلشده یره‌لنگن، لیکن کسلخانه‌گه انتقال بیریلگنیدن سونگ، دنیا دن اوتگن.
نورستان ولایتیدن دولتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، امنیتی کوچلر اوشبو ولایت نینگ «دوآب» و «مندول» تومن‌لرینی ترک قیلگنلر و اوشبو ایکی تومن طالبان نظارتی‌گه اوتگن.
بدخشان ولایتیدن دولتی بولمه‌گن منبعلرنینگ ایتیش‌لریچه، اوشبو ولایت نینگ کوهستان تومنیده ملی اردو کوچلری تامانیدن اویوشتیریلگن هوایی هجوم عاقبتیده، مردمی کوچلر بیر قومندانی شامل ۱۳ ته‌سی هلاک و باشقه ۸ ته‌سی یره‌لنگن.
بغلان ولایتیدن اعتبارلی بیر منبع نینگ سلام‌وطندارگه ایتیشیچه، اوشبو ولایت نینگ جلگه تومنی‌نی «گودری» منطقه‌سیده طالبان لایزری قطعه‌سی نینگ هجومی سبب، اوشبو تومن پولیس قومندانی گلبدین غفوری و برکه تومنی نینگ پولیس قومندانلیگی سرپرستی لطف‌الله حق‌بین باشقه ۷ پولیس بیلن هلاک ایتیلگن و مردمی کوچلر شامل باشقه ۱۰ حربی یره‌لنگن.
افغانستان اوچون اروپا بیرلیگی نینگ خاص نماینده‌سی توماس نیکلسون، بوگون (جمعه ۱۴- جوزا) خبری بیر ییغینده رسانه‌لرگه ایتیشیچه، افغانستان تینچلیگی حقیده بحث و سوزلش اوچون یقیین کیله‌جکده دوحه کیتیشی ممکن.
هرات حاکمی سیدعبدالوحید قتالی نینگ ایتیشیچه، فرسی تومنیده امنیتی کوچلر و طالبان گروهی آره‌سیده یوزبیرگن آتیشمه‌ده، مذکور تومن پولیس قومندانی باشقه بیر حربی بیلن هلاک و شونینگدیک باشقه بیر حربی ایسه تن جراحتی کوتارگن. جناب قتالی نینگ ایتیشیچه، شونینگدیک مذکور آتیشمه‌ده ۱۳ طالب هلاک و باشقه ۶ طالب ایسه یره‌لنگن.
سیاسی و امنیتی ایشلر بوییچه جمهوررئیس ییریک مصلحتچیسی محمد محقق نینگ ایتیشیچه، خودکش هجوم و ترورچیلیک حادثه‌لر عامل‌لری قولگه آلینگندن کیین، رشوت و یا حکومت نینگ رحمتی بیلن قوییب یوباریله‌دی.
اونگه کوره، پارتلش‌لر یوزبیرگنیدن کیین حکومت یالغیز اجتماعی ترماقلر آرقه‌لی قربانیلر عایله‌لری بیلن قیغوداشلیک بیلدیره‌دی.
نماینده‌لر کینگش اعضالریدن قطاری، مذکور کینگش نینگ بوگونگی (چهارشنبه ۱۲- جوزا) عمومی ییغینیده، کابل غربیده هجوملر دوام تاپیشی گه عکس‌العمل کورسه‌تیب و امنیت نی تأمین‌لش خصوصیده حکومت و امنیتی نهادلرنینگ کوچ‌سیزلیککه عیب‌لشگن.
