بلخ خوفسیزلیک مسئوللری نینگ ایتیشلریچه، اوشبو ولایت مرکزی مزارشریف شهری نینگ ۱۰_ و ۳_حوزه‌لری گه تیگیشلی منطقه‌لریده یوزبیرگن ایکی پارتلش نتیجه‌سیده، ۹ کیشی هلاک و ۱۳ کیشی یره‌لندی. اوشبو پارتلش‌لر بوگون شام‌چاغی مزارشریف شهری نینگ شیعه‌لر یشه‌یدیگن محله‌لریده یوزبیرگن.
قندوز خوفسیزلیک مسئوللری نینگ ایتیشلریچه، اوشبو ولایت نینگ امام‌صاحب تومنی «اسماعیل قیشلاق» یشاوچیسی گل‌محمد اسملی مذکور شخص، ایناغه‌سینی اولدیریش عیبی بیلن مذکور تومن امنیتی کوچلری تامانیدن قولگه آلینگن.
سمنگان‌ده محلی منبع‌لر نینگ ایتیشلریچه، اوشبو ولایت نینگ درصوف تومنیده ۵ کیشی ناتانیش قورالی شخص‌لر تامانیدن اوققه توتیلیب اولدیریلگن. منبع‌لر نینگ ایتیشلریچه، مذکور واقعه اوتگن کون کیچقورن مزارشریف – شولگره قتناو یولی نینگ «کوتل ریگ» منطقه‌سیده یوز بیرگن.
پکتیا ده‌گی محلی منبع‌لر نینگ ایتیشلریچه، اوشبو ولایتده ایکی ایناغه اوققه توتیلیب اولدیریلگن. پکتیا محلی مسئوللری گه کوره، مذکور واقعه اوتگن کونی اوشبو ولایت نینگ مرکزی گردیز شهری «سعادت خیل» قشیلاغیده «اوزاق مدتلی» شخصی دشمن‌لیک باعث یوز بیرگن.
اسلام‌قلعه بندرگاهی ده ایران چیگره‌چیلری و اسلامی امارت کوچلری آره‌سیده تارتیشوولردن کیین، ایران‌لیک میدیالر ویدیو ترقه‌تیب، ایران تامانیدن امنیتی چاره‌تدبیر کوریلیشی و ایکی مملکت آره‌لیغیده کوپراق کوچ ییرلشترگنیدن خبر بیرگنلر.
روسیه تشقی ایشلر وزیری سرگی لاوروف، اوکراین اوروشی هسته‌یی اوروش و اوچینچی دنیا اوروشی گه سبب بولیشی ممکن دیب آگاه‌لنتیرگن.
ننگرهارده‌گی منبع‌لر نینگ ایتیشلریچه، اوتگن کیچه بیر باله اوشبو ولایت مرکزی جلال‌آباد شهری نینگ ییتینچی ناحیه‌سیده، اسلامی امارت کوچلری نینگ اوق آتیشی نتیجه‌سیده هلاک بولگن.
واقعه‌لر و قورالی مناقشه‌لر معلومات تشکیلاتی (ACLED)، «طالبلر حاکمیتیده افغانستانده پریشان‌لیکلرنی ایزلش» عنوانی آتیده گزارش ترقه‌تیش بیلن، اوتگن ییلی ۱۵ آگست‌دن کیین افغانستانده تینچ اهالی‌گه قرشی زوروانلیکلر کوچه‌یشینی بیلدیرگن. اوشبو گزارش باشقه ایکی نهاد جمله‌دن افغانستان صلح دیده‌بانی همکارلیگی بیلن تیارلنگن.
لوگر مرکزی پل‌علم یشاوچیلریدن قطاری اوشبو ولایت ۲۰۳ منصوری حربی قطعه‌سی نینگ اوستیده پیلوت‌سیز مشکوک اوچاقلر نینگ اوتیب قیتیشیدن خبر بیرگنلر. اولر نینگ ایتیشلریچه مذکور پیلوت‌سیز مشکوک اوچاقلر، اوتگن آقشام اوشبو ولایت نینگ بیر قطار حدودلریدن اوتیب قیتگن.
اسلامی امارت سوزلاوچیسی ذبیح‌الله مجاهد، اوز تویییتری‌ده بلخ‌لیک کیچیک یاشلی عبدالرووف آدم اوغری‌لر قولیدن آزاد ایتیلیشی خصوصیده معلومات بیرگن.
منبع‌لر نینگ ایتیشلریچه، بوگون بیر داکتر کابل شهری نینگ «پشتونستان» تورت‌یولیده اسلامی امارت کوچلری تامانیدن اوققه توتیلگنی نتیجه‌سیده، یره‌لنگن.
اوتگن کونی توش‌دن کیین قندوز ولایتی نینگ امام‌صاحب تومنیده «مولوی سکندر» مسجدی ایچیده قانلی پارتلش یوز بیردی که نتیجه‌ده اونلب تینچ اهالی اولیب یره‌لندیلر و اوتگن کونی شام چاغی، اسلامی امارت سوزلاوچیسی ذبیح‌الله مجاهد، اوشبو پارتلش‌نی محکوم قیلیش‌گه علاوه، تلفات رقمینی ۳۳ کیشی هلاک و ۴۳ کیشی یره‌لی اعلام قیلگن ایدی.
سونگی کونلرده اویوشتیریلگن پارتلش هجوم‌لر و خوفسیزلیک وضعیت یامانله‌نیشی، کابل یشاوچیلری نینگ خواطری گه سبب بولگن. پایتخت یشاوچیلری نینگ ایتیشلریچه، گوجوم مکان‌لرده پارتلش هجوم اویوشتیریلیشی باعث اولر نینگ تشویشی کوپه‌یگن.
مملکت جنوب شرقیده اسلامی امارت نینگ ۲۰۳ منصوری قول اردو مسئوللری، دیورند چیزیغی یقیینلیگیده ینگی امنیتی پُسته‌‌لر ایجاد قیلیشلری نی اعلام قیلیشگن.
باختر دولت آژانسی نینگ معلوماتی اساسیده، اسلامی امارت کوچلری بلخ ولایتی نینگ مرکزی مزارشریف شهری‌ده شیعه‌لر مسجدی گه اویوشتیریلگن هجوم طراح‌سینی قولگه آلگن‌لر. باختر آژانسی بوتوغریده کوپ معلومات بیرمه‌گن.
اوتگن کونی (پنج‌شنبه، ۱ ثور) بلخ ولایتی نینگ مرکزی مزارشریف شهری شیعه‌لرگه تیگیشلی «سه دکان» مسجدی اوستیگه اویوشتیریلگن قانلی هجوم‌دن کیین، اسلامی امارت کوچلری و بلخ ولایتی نینگ سابق حاکمی عطامحمد نور نینگ جیینی سهیل زمری آره‌سیده توقنشوو یوز بیردی.
