سونگی کونلرده اویوشتیریلگن پارتلش هجوم‌لر و خوفسیزلیک وضعیت یامانله‌نیشی، کابل یشاوچیلری نینگ خواطری گه سبب بولگن. پایتخت یشاوچیلری نینگ ایتیشلریچه، گوجوم مکان‌لرده پارتلش هجوم اویوشتیریلیشی باعث اولر نینگ تشویشی کوپه‌یگن.
اولر گه کوره، هیچ بیر جای‌ده جان‌لری مصئون ایمس، اوی‌دن چیققندن کیین قیته‌دن اوی‌گه کیله‌دیلرمی یوق‌می ایشانمه‌یدیلر.
کابل یشاوچیلری اسلامی امارت‌نی امنیت برقرار ایتیلیشی خصوصیده کوچ‌سیزلیککه عیبلب ایتیشلریچه، سرپرست حکومت محاکمه قیلیشدن قول تارتیب، امنیتی وضعیت یخشی‌لنیشی گه دایر بیرگن وعده‌لری گه عمل قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن ابوذر حسنی نینگ ایتیشیچه: «بو کبی هجوم‌لر اهالی نینگ خواطرینی کوچه‌یتیرگن. اکثر اوقووچیلر مکتب بارمه‌یدی یا حضورلری سیزیلرلی درجه‌ده کمه‌یگن. امنیت‌سیزلیک باعث، نماز اوقووچیلر مسجدگه بارمه‌یدیلر.»
مملکت بویلب پارتلش و خودکش هجوم‌لر کوچه‌یشی، ایچکی عیبلاو و خواطرلرگه علاوه، خلق‌ارا مناسبت‌لر گه سبب بولگن. اوتگن بیر هفته‌ده کابل، بلخ و قندوز ولایت‌لریده نیچه قانلی پارتلش اویوشتیریلیب و تینچ اهالی‌دن قربان‌لیک آلدی.
بیرلشگن ملت‌لر تشکیلاتی نینگ خوفسیزلیک کینگشی، خلق‌ارا کیچیریم تشکیلاتی، ناروی نینگ بیرلشگن ملت‌لر تشکیلاتیده‌گی نماینده‌لیگی، بیرلشگن عرب امیرلیگی و سویدن کابل‌ده تعلیمی مرکزلر و مکتب‌لر و بلخ و قندوزده مسجدگه اویوشتیریلگن هجوم‌لرنی قاره‌لب و بو گَل واقعه‌لر آلدی آلینیشی اوچون تیزلیک بیلن اقدام بولیشینی سوره‌گنلر.
ینگی لیکده، بیرلشگن ملت‌لر تشکیلاتی نینگ خوفسیزلیک کینگش اعضالری، اوشبو هجوم‌لر قربانی‌لری نینگ عایله اعضالری بیلن قیغوداشلیک بیلدیریش که قوشیمچه، حادثه عامل‌لری قولگه آلینیشینی طلب قیلگن‌لر.
سونگی هجوم‌لرده کوپراق شیعه و هزاره‌لر نشانگه آلینیب و اجتماعی ترماق‌لرده قتیق واکنش‌لر گه روپه‌رو بولگن.
اجتماعی ترماق ایشلاوچیلری «هزاره‌لر نسل کش‌لیگینی توخته تینگ» آتیده کمپاین یولگه قویگن‌لر.
اجتماعی ترماق ایشلاوچیلریدن قطاری اوشبو کمپاین گه قوشیلیش‌نی سوره‌ب ایتیشلریچه، هزاره‌لر نینگ نسل‌کش‌لیک پرونده‌سی خلق‌ارا محکمه‌لر تامانیدن تیارلنیب ایزله‌نیشی کیره‌ک.
بیزلرنینگ توییترده هم تعقیب قیلینگ!
اولکه فقرالری نینگ خوفسیزلیگی تأمین ایتیلیشی گه عاید حکومت نینگ ریجه‌لری خصوصیده، اسلامی امارت نینگ فکر_ملاحظه‌سینی اورگه‌نیشنی ایسته‌دیک؛ بیراق کیتمه_کیت قونغراق‌لر بیلن مؤفق بولمه‌دیک.
اوتگن هفته مملکت نینگ تورلی منطقه‌لریده اویوشتیریلگن هجوم‌لرده، اونلرچه نماز اوقووچی، تینچ اهالی و مکتب اوقووچیلری اولیب و یره‌لنگنلر.
