غور یشاوچیلری، غور-کابل و غور-هرات قتناو یولی نینگ قربانیلرینی حقلریدن مدافعه قیلیش اوچون، بو قتناویول نی باغلهگنلر. اولر ۴ مادهلیک بیر قطعنامه صادر قیلیش بیلن آگاهلنتیریشلریچه، بو قتناویول خوفسیزلیگی تأمینلنیب و اهالی ایستهکلریگه ایریشگونگه قدر، قتناویول نی کیلیب-کیتیش یوزیگه آچمهیدیلر.
مملکت ملی خوفسزلیک مصلحتچیسی حمدالله محب، آمریکا ملی خوفسیزلیک مصلحتچیسی جیک سالیوان بیلن تلفنی صحبت اوتکزگن. ملی خوفسیزلیک کینگش دفتری بیر خبرنامه ترقهتیش بیلن ایتیشیچه، مذکور تلفنی سوزلشوو ده ایکی تامان امنیتی و ترورچیلیککه قرشی همکارلیکلر توغریسیده بحث قیلیشگن.
جناب پاینده، فسادگه عیبلنگن کیشیلرنینگ کیملیکلرینی نمایندهلر کینگشی ییغینیده فاش قیلیشینی بیلدیرگن ایدی، لیکن فاش قیلمهگن.
عینحالده، نمایندهلر کینگشی اعضالریدن بیرقطاری نینگ تاکید قیلیشلریچه، گمرکلرده فساد ده عیبلنگن کیشیلرنینگ ناملرینی فاش ایتیلیشی کیرهک.
قندهار نینگ ارغنداب، پنجوایی، ژیری و میوند تومنلری، ۵ آیدن بویان جدی آتیشمهلرگه شاهد دیر و ارغنداب تومنی ایسه، منطقهلریدن کوپینچهسی ماین دن تولیق بولگن بیر تومن دیر.
قندهار معارف ریاستی نینگ رسانه مسئولی نظرمحمد صمیمی نینگ سلاموطندارگه ایتیشیچه، اوروش باعث بو تومنده یوزلرچه عایله بدرغه بولگن.
بوگون “سهشنبه” باش قارهلاوچیلیک ادارهسی سوزلاوچیسی جمشید رسولی نینگ کابلده خبری بیر ییغین اوتکزیب ایتیشیچه، ۱۴۰۰- مالی ییل نینگ بیرینچی ربع ده اداری فساد گه عیبلنگن ۱۳۵۳ دوسیه تیکشیریلگن.
لغمان ولایتی نینگ بیرقطار تومنلریده طالبان جنگریلریگه قرشی حربی عملیات دوام قیلماقده و دولت رسمیلری نینگ ایتیشلریچه، طالبان نینگ هجومی کیینگه اوریلگن.
لغمان حاکمی اورین باسری رحمتالله یارمل نینگ ایتیشیچه، مذکور عملیاتلرده طالبان کوپ قطار جنگریلری هلاک و یرهلگن، لیکن طالبان سوزلاوچیسی ذبیحالله مجاهد نینگ ایتیشیچه، لغمان ده تصرف ایتیلگن منطقهلر حاضرده هم نظارتلریگه دیر.
افغانستان تشقی ایشلر وزیرلیگی تامانیدن نشر ایتیلگن مکتوب ده هند بوییچه افغانستان ایلچیخانهسی ایشلاوچیلریدن ۸ تهسی نینگ ایشی یکونلنگنی ایتیلگن.
اوشبو مکتوب اداغیده تشقی ایشلر وزیرلیگی نینگ سیاسی بولیمی اورین باسری میرویس ناب نینگ امضاسی بار و ۱ جوزا ده نشر ایتیلگن.
سیاسی ایش بیلرمانلردن بیری نورشاه نورانی نینگ ایتیشیچه، تینچلیک و چیتایللیک کوچلرنینگ چیقیش جریانی باشلنگن، انهشوو سبب، دولت و طالبان گروهی اهالینی توپلش بیلن اولرنینگ حمایتلرینی جلب قیلیش اوچون سعی و حرکت قیلهدیلر.
اوتگن کیچه مرکزی بغلان تومنی نینگ عمرخیل قیشلاغیده، ۷ حربی و ۳ تینچاهالی قماقخانه نینگ دیواری نی تخریب قیلگندن کیین، قاچیب و اوزلرینی حربی بیر قرارگاه گه ییتیشتیرگن. قاچیش گه موفق بولگن عسکرلردن بیری محمدالله نینگ ایتیشیچه، ۴۵ کون آلدین پلخمری شهری نینگ عمومی قتناویولیدن اوغیرلنگن ایکن.
مهترلام شهریده اوروش نی رهبرلیک قیلهدیگن حربی ستاد باشلیغی محمدیاسین ضیا و ملی خوفسیزلیک عمومی ریاستی نینگ اوپراتیفی اورینباسری خوشحال سادات نینگ ایتیشلریچه، امنیتی کوچلر آلغه کیتماقده و بو ولایتده خوفسیزلیک وضعیت اولرنینگ نظارتی گه دیر.
یاسین ضیا گه کوره، لغمان مرکزی ده طالبان هجومی آرقه گه اوریلگن.
لوگرده ایشانچلی امنیتی بیر منبع نینگ سلاموطندارگه ایتیشیچه، طالبان مذکور ولایت مرکزی پلعلم شهریده گروهی هجوم قیلیب و بو شهر نی نظارت گه آلیش اوچون برنامه آلگن.
منبع نینگ کوپهیتیریشیچه، طالبان نینگ هجومی باعث شهر خوفسیزلیک کمربندی سینگن و بو ولایتده اونلرچه پوسته طالبان نظارتی گه اوتگن.
اوتگن کون رسانهلردن قطاری، قطرده طالبان سیاسی دفتری دن بیر هیأت استانبول ده یولگه قوییلهدیگن تینچلیک ییغینی توغریسیده بو گروه رهبرلری بیلن مصلحت قیلیش اوچون کویته گه سفر قیلگنیدن گزارش ترقتدی.
قطر ده طالبان سیاسی دفتری سوزلاوچیسی محمدنعیم، بوندهی بیر هیأت نینگ سفری نی رد قیلگن.
تشقی ایشلر وزیرلیگی اوتگن کون (شنبه ۱- جوزا) بیر خبرنامه ترقهتیش بیلن ایتیشیچه، افغانستان دولتی ظرفیت قوریش، امنیتی نهادلردن حمایت قیلیش، مالی حمایت، امنیتی و مدافعه کوچلرگه تعلیمات بیریش و هواقونالغه نینگ فعالیتی دوام تاپیشی اوچون خدمتلر ارایه قیلیش توغریسیدهگی ناتو نینگ بیاناتی نی خوش قرشیلگن.
اوشبو واقعهدن سونگ، سیدالشهدا مکتبیده اویوشتیریلگن هجومده شهید بولگنلرنی توپراققه قویش و یرهلنگنلرنی درمانلش مردمی ستاد مسووللری، مذکور واقعه تیکشیریلیشی اوچون امنیتی کوچلرگه زمان بیرگن ایدیلر، بیراق مذکور واقعهدن کمیده ایکی هفته اوتماقده و اوشبو ستاد مسووللری نینگ ایتیشلریچه، حقیقتلرنی تاپیش اوچون هیچقندهی سعی و حرکت صورت تاپمهگن.
فاریاب یشاوچیلری اینقسه ملی اسلامی جنبش حزبی نینگ طرفدارلری اوشبو ولایت ینگی حاکمی محمدداوود لغمانیگه قرشی ۸ کوندن بویان اعتراض قیلیب کیلماقدهلر.
اعتراضچیلرنینگ ایتیشلریچه، حاضرگهقدر ایستکلریگه دقت بولمهگن و ایستکلریگه دقت بولمهگن صورتده، اعتراضلریگه دوام بیرهدیلر.
لوگر ولایتیدن امنیتی بیر منبع نینگ کیملیگی سیرقالیشنی ایستهب سلاموطندارگه ایتیشیچه، بوگون “چهارشنبه” ایرتهلب ساعت ۴ ده اوشبو ولایت نینگ برهکی برک تومنینی «لب جر» منطقهسیده جایلشگن امنیتی بیر پوسته طالبان قولیگه سقوط قیلیب و مذکور پوستهده بولگن دولتی کوچلر بوتون حربی تجهیزاتلری بیلن طالبان گروهیگه قوشیلگن.
