امریکا مالیه وزیری سکات بسنت، مملکتی حاضرگچه هیچ بیر دشمنی گه قرشی قوللنمهگن اینگ ییریک مالیهوی تحریملرنی ایران گه قرشی باشلشینی ایتدی.
خلقارا ییتکرمهلر، بوگون (۲ سنبله/ ۲۴ آگست، دوشنبه) خبر بیریشیچه، بسنت فیننشال تایمز نشری گه، امریکا مقصدی ایراننینگ برچه حیاتی اقتصادی تامیر (ریشه)لرینی اوزیش و بو مملکتنی یکهلب قوییش دیگن.
امریکا مالیه وزیری، ایران بیلن اوروش یکونی باسقیچیگه ییتگن و اوشبو مملکتنی «موعود کون» کوتهیاتگنینی تأکیدلهگن.
بو امریکا رسمیسی بوندن آلدین هم ایران گه قرشی ینگی اقتصادی اوروش مملکتنینگ پرچهلنیشیگه آلیب کیلیشی ممکنلیگنی ایتگن ایدی. امریکا جمهور باشلیغی دونالدترامپ، اوتگن هفته ایران بیلن سودا-اقتصادی علاقه باغلهگن دولتلر و کمپنیهلرگه قرشی اینگ قتیق چیکلاولرنی جاری ایتیشی حقیده آگاهلنتیرگندی.
برچهسی بیلن، ایران جمهور باشلیغی مسعود پزشکیاننینگ اورین باسری محمد رضا عارف، اوتگن کونی امریکانینگ اقتصادی ینگی تحریملری عکسینچه نتیجه بیریشینی معلوم قیلدی.
