دنیا بانکی ۱-ثور شنبه کونی میلادی کېله‌سی ییل‌ده افغانستان نینگ اقتصادی حقیده ینگی گزارشینی ترقه‌تیب، خارجی یاردم‌لر کمه‌یشی و مملکت ایچیده هیچ نرسه ایشلب چیقریلمسلیگی افغانستان‌ده اقتصادی کسادلیککه سبب بولگن و بو معما ۲۰۲۵ ییل‌گچه دوام تاپیشینی اېتگن.
دنیا بانکی، افغانستان‌ده بو اقتصادی کسادلیک ایش‌سیزلر و کمبغللر سانی کوپه‌یشیگه سبب بولیب و ایش فرصت‌لری کمه‌یشی و آزیق-آوقت خوفسیزلیگی کوپه‌یش احتمالیدن آگاه‌لنتیرگن.
دنیا بانکی نینگ گزارشی بیر بولیمیده کېلیشیچه: «افغانستان‌ده اقتصادی کسادلیک ۲۰۲۵ییل گچه دوام تاپه‌دی و مملکت ده کمبغل‌لیک و ایش‌سیزلر سانی کوپه‌یشی گه سبب بوله‌دی و بو معما ایش فرصت‌لری کمه‌یشی و آزیق-آوقت خوفسیزلیگی کوپه‌یشی گه باعث بوله‌دی.»
بیزلرنینگ فیسبوک صحیفه‌میزگه باش اورینگ!
دنیا بانکی نینگ کوپه‌یتیریشیچه، افغانستان اقتصادی احوالینی تېکلش اوچون ایکینچیلیک و کان‌لرینی قازیب چیقریش گه دقت قیلیشی کېره‌ک.
بیراق اقتصاد وزیرلیگی مسئوللری، دنیا بانکی نینگ گزارشینی رد قیلیب ایتیشلریچه، تورم نرخی کمه‌یشی، افغانی پول نینگ ثباتی و باشقه موردلر، افغانستان نینگ اقتصادی یخشی بولگنیدن درک بیره‌دی.
اقتصاد وزیرلیگی سۉزلاوچیسی عبدالرحمان حبیب نینگ سلام‌وطندار گه ایتیشیچه: «تورم نرخی، افغانی پول ثباتی، ملی درآمد و صادرات آشیشی، عادی صرف-خره‌جت‌لرنی تامینلش و خارجی‌لر نینگ یاردم‌سیزلیگی بیلن ایچکی درآمدلردن ترقیاتی لایحه‌لرنی عملگه آشیریش، اقتصادی اساسی شاخص‌لردن بولیب و اقتصادی یخشی بولگنیدن درک بیره‌دی.»
بیزلرنینگ «ایکس» ترماغی ده هم تعقیب قیلینگ!
شو بیلن بیرگه اقتصادی ایش بیلرمان‌لردن بیرقطاری نینگ ایتیشلریچه، سرپرست حکومت اقتصاد یخشی‌لنیشی اوچون سعی-حرکت قیلیشی کېره‌ک.
اقتصادی ایش بیلرمان سیداحمد مسعود گه کوره، سرپرست حکومت اقتصادی و خارجی ملی استراتیژیک نی ایشلب چیقیشی لازم. «اقتصادی و خارجی ملی استراتیژیک ایشلب چیقیلیب و پاکستان و ایران اۉرنیده باشقه بازارلر قیدیریلیشی درکار. افغانستان تولیدی کوپه‌یب و واردات اۉرنیده کېریتیلیشی کېره‌ک.»
اقتصادی ایش بیلرمان‌لردن باشقه بیری آذرخش حافظی نینگ ایتیشیچه، حاضر افغانستان دنیا اقتصادی تېزیمیدن فایده‌لنه آلمه‌یدی. اونینگ کوپه‌یتیریشیچه: «حاضرگی شرایط ده دنیا اقتصادی تېزیمیدن فایده‌لنه آلمه‌یپمیز؛ افغانستان نینگ استراتیژیک ثبات سرمایه‌لری تعلیق حالت ده دیر و رسمیت گه تانیلمسلیک اوچون کوچلی سرمایه یاتقیزیلمه‌یپتی و احوال بونده‌ی دوام تاپگن حالده، افغنستان دایمی اقتصادی ترقیات گه اېریشه آلمه‌یدی و سرپرست حکومت بو معما حلی اوچون سعی-حرکت قیلیشی درکار.»
دنیا بانکی نینگ گزارشی اساسیده، افغانستان فقرالری نینگ کمبغل‌لیک و ایش‌سیزلیگی باعث بازار ده سودا-ساتیق کمه‌یگن و یشاوچیلر بازار دن سودا آلیش گه اونچه‌لیک قیزیقمه‌یدیلر.
