بیرلشگن ملتلر تشکیلاتینینگ افغانستان بولیمی، اوشبو مملکتده ۱۸ مینگ ۱۱۶ تدبیرکار عیالنینگ قوللب-قوتلهگنیدن خبر بیرگن.
مذکور نهادنینگ بوگون (۳۱-حمل، دوشنبه)، اکس صحیفهسیده یازیشیچه، عیاللرنی قوللب-قوتلش افغانستان ده اولرنینگ اقتصادی فعالیتلریدهگی اشتراکینی کوچهیتیریشگه سبب بولگن.
بو بیلن بیرگه، بیرلشگن ملتلر تشکیلاتینینگ ترقیاتی دستوری افغانستان بولیمیگه کوره، اوشبو مملکتده عیاللر، کیچیک تجارتلر بیلن شغللنگن ایش کوچیدن ۲۱ فایزینی تشکیل بیرهدی. مذکور نهاد، عیاللر اقتصادی فعالیتلری برابریدهگی قیینچیلیکلر حلیگه تاکید قیلگن.
شونینگدیک بوندن آلدین هم بیرلشگن ملتلر تشکیلاتینینگ ترقیاتی دستوری، بیر ییلده افغانستان ده ۹۱ فایزی عیاللر آرقهلی رهبرلیک بولهدیگن ۸۹ مینگ کیچیک تجارتدن حمایت قیلگنینی معلوم قیلگن ایدی.
اوتگن تورت ییلدن کوپراق وقتده، تعلیمدن محروم قالگن عیاللر و قیزلردن قطاری کیچیک تجارتلرنینگ یولگه قوییشگه یوز کیلتیریب و بو یول آرقهلی اوز و عایلهلرینینگ نیازلرینی تامینلش اوچون سعیوحرکت قیلگنلر.
