بیرلشگن ملت‌لر تشکیلاتی خوف سیزلیک کینگشی نینگ اعضاسی اسلامی امارت‌دن تعلیم آلیش حقی‌گه حرمت قیلیب و ۶- صنف‌دن یوقاری قیزلر مکتب‌لرینی آچیلیشی توغریسیده‌گی قیلگن تعهدلرینی آرتده سورمسدن، عمل‌گه آشیریشلرینی سوره‌گن.
ناروی مملکتی نینگ بیرلشگن ملت‌لر تشکیلاتی‌ده‌گی نماینده‌سی بیربیانیه ترقه‌تیب ایتیشیچه، خوف سیزلیک کینگش اعضاسی ۲۵ مارچ‌ده اساسی بیر ییغینده بیرلشگن ملت‌لر تشکیلاتی نینگ خاص وکیلی دیبرالینز نینگ افغانستانده برچه افغانلر وخصوصاً قیزلرنینگ تعلیم آلیش توغریسیده‌گی صحبت‌لرینی ایشیتگن دیر.
بیزلرنینگ فیسبوک صحیفه‌میزگه باش اورینگ!
بیانیه‌ده کیلیشیچه، بیرلشگن ملت‌لر تشکیلاتی خوف سیزلیک کینگش اعضاسی اسلامی امارت نینگ بو قراریدن کیسکین خواطر بیلدیرگن.
اولربیرلشگن ملت‌لر تشکیلاتی نینگ نماینده‌سی‌دن یوناما مأموریتی گه بناً اسلامی امارت مقاملری شامل افغانستان نینگ برچه سیاسی اوینچی‌لری بیلن قیزلرنینگ مکتب‌لری آچیلیشی و تعلیم آلیش حقلری توغریسیده‌گی تعامل گه دوام ایتیریشینی سوره‌گن.
شونینگدیک خوف سیزلیک اعضاسی بیرلشگن ملت‌لر تشکیلاتی نینگ افغانستاندن آرقه‌داشلیک قیلیش جمله‌دن بو مملکت‌ده، اورگنیش و رواجله‌نیش توغریسیگه تاکید قیلگن دیر، افغانستان یشاوچیلری و بو مملکت حاکمیتی، ایرکین‌لیگی و ملی بیرلیک برابریده کیسکین تعهدی بار.
بیزلرنینگ توییترده هم تعقیب قیلینگ!
قیزلرنینگ اورته و لیسه مکتب‌لری نیچه آی تعطیل‌دن کیین چهارشنبه کونی ۳، حمل مملکت بوتون ولایت‌لریده آچیلیشی کوتیلرایدی؛ بیراق اسلامی امارت معارف وزیرلیگی اوشه کون قیز لرنینگ مکتبی ۶- صنف‌دن یوقاری قیزلر یوزیگه کینگی امرگچه یاپیق قالیشینی اعلام قیلدی.
