کوپینچه اهالی نینگ ایشانچی گه کوره، تجارت گه باشلش اوچون کوپ پول گه نیاز بار، بیراق آز پول و خلاقیت بیلن کیچیک تجارت گه باشله‌گن کیشی‌لر هم بار دیر. راضیه افضلی اوشبو کیشی‌لردن بیری دیر، او اوچ آی آلدین «عتیقه برند عتیقه» اسمی آستیده بیر صحیفه آچیب، ۱۰۰ افغانی بیلن آنلاین کیچیک سوداگرلیککه باشله‌گن. راضیه اوشبو صحیفه‌ده قولده توقیلگن رنگ-برنگ دست‌بند، بوک‌مارک و دیوار گه آسیله‌دیگن بیزه‌تیش نرسه‌لر نی ساتیش گه قوییب و مشتری تاپگنی پیتده، بویورتمه بیریلگن نرسه نی مشتری نینگ اویی‌گچه ییتیشتیره‌دی.
راضیه، قیزلر یوزیگه بیلیم یورت‌لر ایشیگی یاپیلگنی‌دن کیین، کابل ده خصوصی استیتیوت‌لردن بیری‌ده همشیره‌لیک بولیمی نی باشله‌گن؛ بیراق عایله‌سی نینگ اقتصادی وضعیتی یامان بولگنی سبب، قولده توقیلگن نرسه‌لر نینگ ساتیش اوچون بیر صحیفه توزه‌تیب و اوشبو نرسه‌لر نینگ آنلاین شکلده ساتیش گه قویه‌دی. «اقتصادی وضعیتی‌میز یخشی ایمس. مین سینگیلیم نینگ یاردمی بیلن، عایله‌میز بیلن همکارلیک قیلیش اوچون سعی و حرکت قیله‌میز. ۱۰۰ افغانی بیلن تار ساتیب آلدیم و نیچه دست‌بند توقی‌دیم، اوشبو دست‌بندلر نینگ ساتیش بیلن، کوپراق پول تاپدیم و شو رقم بو ایش گه دوام بیردیم.»
بیزلرنینگ «ایکس» ترماغی ده هم تعقیب قیلینگ!
آلتینچی صنف‌دن یوقاری قیز اوقووچیلر یوزیگه مکتب‌لر ایشیگی یاپیلگنی و قیزلر نینگ تحصیل‌دن محروم قالگنی سبب، عیال‌لردن قطاری آنلاین سوداگرلیک و ایش‌خانه ایجاد قیلیش بیلن اوزلری گه ایش زمینه‌سی نی یره‌تگنلر. ۱۹ یاشر صدف فرهاد، اوشبو عیال‌لردن بیری دیر، او مکتب‌لر ایشیگی قیزلر یوزیگه یاپیلگنی‌دن کیین، تعلیم‌دن قالیب، قریب تورت آی‌دن بویان کیچیک آنلاین سوداگرلیک نی باشلش بیلن اوزیگه ایش زمینه‌سی نی یره‌تگن. او چیرایلی طرح‌لر بیلن دستکول تیارلب و صحیفه‌سیده ساتیش گه قویه‌دی.
بانو فرهاد نینگ ایتیشیچه، قدیمی تکه‌لر و تورلی‌خیل طرح‌لر بیلن، دستکول تیکیب و اونینگ «ابربگ» صحیفه‌سیده ترقه‌تیش بیلن، کوپینچه مشتری تاپگن دیر.
کابل ده آنلاین تجارتی بیلن شغللنگن عیال‌لردن قطاری نینگ ایتیشلریچه، عیاللر گه چیکلاو‌لر یره‌تیلگنی‌دن کیین، آنلاین ساتووچیلیک ایشلری گه باشلب و بو یول آرقه‌لی، اوی‌ده تیارلنگن آزیق-آوقت، قول صناعتی، آرایش، حجاب، بوک‌مارک و تورلی‌خیل کتاب‌لر نینگ ساته‌دیلر.
شونده‌ی بیرحالده، مملکت ایچیده آنلاین ساتووچیلیک صحیفه‌لر یانیده، عیال‌لردن قطاری مملکت تشقی‌سیده هم، آنلاین ساتووچیلیک صحیفه‌لر نی ایجاد قیلیش بیلن یشاوچیلر گه بیر قطار نرسه‌لر نی ساته‌دیلر.
افغانستان دن تشقی‌ده حیات کیچیره‌دیگن «فروشگاه آنلاین آرایشی و مراقبت پوستی مسکا» اسمی آستیده‌گی صحیفه مسئولی یاسمین حسن‌زاده، افغانستان یشاوچیلری گه آنلاین شکلده آرایشی محصوللر نی ساته‌دی. او دوست‌لریدن پول قرض آلیش بیلن اوشبو ایش گه باشله‌گنی نی بیان قیله‌دی. بانو حسن‌زاده، مشتری‌لری آرقه‌لی بویورتمه بیریلگن نرسه‌لر نی پاکت‌لب، کابل، هرات و مزارشریف گه یوباره‌دی.
یشاوچیلر نینگ آنلاین ساتووچیلیک صحیفه‌لر خصوصیده اینگ اونملی شکایتلری و خواطرلری، آنلاین شکلده ساتیله‌دیگن توارلر نینگ کیفیتی قویی بولگنی دیر. کابل شهری اون بیشینچی ناحیه یشاوچیسی دیبا نینگ ایتیشیچه، آنلاین ساتووچیلیک صحیفه‌لردن قطاری‌ده، صفتی قویی و تقلبی نرسه‌لر کوپینچه قیمت گه ساتیله‌دی و ساتیلگنی‌دن کیین، اونینگ تبدیل هم قیله آلمه‌یدیلر.
شونده‌ی بیرحالده، کابل شهری‌ده‌گی مکتب‌لردن بیری ایشلاوچی بولمیش و دایم ساتیب آلیش اوچون آنلاین ساووچیلیک صحیفه‌لردن فایده‌لنه‌‌دیگن حدیثه نینگ ایتیشیچه، ساتیب آلیش اوچون ییترلی وقتی یوق و آنلاین ساتووچیلیک صحیفه‌لر اینیقسه عیاللر آرقه‌لی ساتووچیلیک صحیفه‌لردن نرسه ساتیب آله‌دی. «عیاللر تامانیدن ایجاد بولگن صحیفه‌لردن کوپراق نرسه ساتیب آله‌‌من، چونکه بو ایش بیلن اولردن حمایت قیله آله‌میز. مین ایش گه باریشیم اوچون ساتیب آلیش گه ییترلی وقتیم یوق و دایم نیازیم بولگن کتاب‌لر نی سفارش بیره‌من.»
بیزلرنینگ فیسبوک صحیفه‌میزگه باش اورینگ!
شونینگدیک کابل شهری اوچینچی ناحیه یشاوچیسی ساجده، آنلاین ساتووچیلیک صحیفه‌لر ایجاد بولیشی بیلن آسایشته‌لیک یره‌تیلگنی‌دن خورسند‌لیک قیلیب ایتیشیچه، حاضر ایسه کوپینچه اهالی راحت بیر شکلده نیازلری بولگن نرسه‌لر نی آنلاین ساتووچیلیک صحیفه‌لردن ساتیب آله‌دیلر.
ایتیش کیره‌ک که، قیزلر و عیاللر نینگ ایش و تعلیم‌دن محروم قالگنی‌دن کیین، کابل و بیر قطار ولایت‌لرده قیزلر و عیاللر آز پول بیلن آنلاین ساتووچیلیک صحیفه‌لر نی ایجاد قیلیب و یشاوچیلر نینگ نیازی بولگن نرسه‌لر نی آنلاین شکلده ساتیش گه قویه‌دیلر.
