نیمروز ده ریزه‌گل نظری ناملی بیر عیال، اسلامی امارت نینگ قدرت گه ایریشگنیدن کیین، اوشبو ولایت مرکزیده «آنلاین بیوتی» نامی آستیده بیر فروشگاه نی ایجاد قیلگن دیر. اونینگ ایتیشیچه، حاضرگی وضعیت‌ده عیال‌لردن قطاری نینگ کوپینچه قیین‌چیلیک‌لر بیلن روپه‌ره بولگن بیرحالده، اولر گه خذمت ارایه قیلیش اوچون اوشبو فروشگاه نی تورموش اورتاغی نینگ حمایه‌سی بیلن یولگه قوییگن.
بانو نظری نینگ کوپه‌یتیریشیچه، او مذکور ایش نی آز بیر پول بیلن باشلگن دیر و حاضر ایسه باشقه عیال‌لر گه شغل ایجاد قیلیش یانیده، یخشی درآمدی هم بار. ریزه‌گل گه کوره، او اوشبو ولایت عیاللری نینگ برچه آرایشی سفارش‌لری نی آنلاین یولیدن آله‌دی.
بیزلرنینگ فیسبوک صحیفه‌میزگه باش اورینگ!
ریزه‌گل نینگ ایتیشیچه: «مملکت سقوط قیلگنیدن کیین، شهری‌میزده‌گی عیال‌لر گه بیر ینگی‌لیک ایجاد قیلیش نی ایسته‌دیک و بو آنلاین بیوتی فروشگاه‌سی نی ایجاد قیلدیک که بو یول‌دن، کیچیک خذمت‌لر نی شهر عیاللری گه انجام بیریب و بو یول‌دن عیال‌لر گه شغل ایجاد قیلیش نی ایسته‌دیک.»
بانو نظری نینگ تورموش اورتاغی شاه‌رخ آزاد، ریزه‌گل نینگ اقدامی‌دن رضایتی بار، اونینگ ایتیشیچه، تورموش اورتاغی (خاتینی) و اوشبو ولایت‌ده‌گی باشقه عیال‌لر نینگ تجارت‌لری نینگ رواجلنیشی اوچون سعی و حرکت قیله‌دی.
آنلاین فروشگاه نینگ آرایشی محصوللریدن قوللنه‌دیگن عیال‌لردن قطاری نینگ ایتیش‌لریچه، بو رقم برنامه‌لر نینگ یولگه قویلیشی بیلن باشقه افغان عیال‌لر گه ایش زمینه‌سی نی فراهم قیله‌دی.
بیزلرنینگ توییترده هم تعقیب قیلینگ!
شونینگدیک اوشبو آنلاین فروشگاه مشتریلریدن بیری ستاره، بازار گه قره‌گنده، آنلاین بیوتی‌دن آلیش-بیریش نی یخشی دیگن؛ چونکه اونگه کوره، بازار گه کیتیب کرایه بیریش گه نیاز بولمه‌دی. او مذکور فروشگاه خذمت‌لریدن رضایتی بار و ایتگن که، عیال‌لر جماعه نینگ ترقیاتی اوچون ایش قیله‌دیگن عیال‌لر نی الگو قرار بیریش‌لری کیره‌ک.
شونینگدیک مذکور آنلاین فروشگاه مسئوللری نینگ ایتیش‌لریچه، اولر اوقیش گه علاقه‌مند بولگن ییگیت‌لر گه هم کتاب توزیع قیلیش بولیم‌لری بار و رایگان شکلده تحویل بیره‌دیلر.
