باش‌قاره‌لاوچیلیک مسئوللری نینگ ایتیش‌لریچه، قویاش ۱۳۹۹- ییل باشلنگنیدن بویان عیاللرگه قرشی ۳ مینگ زوروانلیک قضیه بو نهاد گه قید و تیکشیریلگن.
اولرگه کوره، شونینگدیک سونگی اوچ ییل ده ۵۶۹ جنسی زورلش قضیه‌سی قید و تیکشیریلگن.
اوتگن کون (سه‌شنبه ۶- عقرب) عیاللرگه قرشی زوروانلیک ایشلری بوییچه باش‌قاره‌لاوچیلیک اورین‌باسری سینا شنا منصور کابل ده خبری بیر ییغین اوتکزیب ایتیشیچه، ۱۳۹۷- ییل ده ۱۹۵ قضیه، ۱۳۹۸- ییل ده ۲۰۱ قضیه و جاری ییل ده ۱۷۳ جنسی زورلش قضیه بو اداره گه قید و اونینگ عامل‌لری تعقیب آستیده آلینگن.
اونگه کوره، جنسی زورلش قضیه‌لری نینگ کوپینچه‌سی کابل، هرات و بلخ ولایت‌لریده قید ایتیلگن.
شونینگدیک خانم منصور نینگ کوپه‌یتیریشیچه، ۲۸۷ کیشی عیاللرگه قرشی زوروانلیککه عیبله‌نیب جزالنتیریلگن.
مذکور خبری ییغینده باش‌قاره‌لاوچیلیک سوزلاوچیسی جمشید رسولی نینگ ایتیشیچه، عیاللرگه قرشی زوروانلیک قضیه‌لرنینگ تیکشیریش، بو اداره نینگ بیرینچی ایش‌لریدن دیر.
عین حالده، باش‌قاره‌لاوچیلیک مسئوللری، فاریاب ده بیر باله نینگ جنسی زورله‌گن پولیس نینگ قضیه‌سینی تیکشیریلگنیدن خبر بیریشگن. اولرنینگ ایتیش‌لریچه، مذکور عسکر ۲۰ ییل تنفیذی حبس و «مهر باالمثل» نی توله‌ش گه محکوم بولگن.
