Asset 1SWN

اسلامی همکارلیک تشکیلاتی، افغانستانده‌ تیزلیککه آتیش کیسین اعلام ایتیلیشی نی سوره‌گن

000_I646X-oxkk37ehwdzpjt0b8277jfk909o9twwatjvgqgve6s

مملکتده اوروش شدت‌لنگنی و شونینگدیک حربیلر و تینچ‌اهالی تلفات رقمی کوپه‌یگنی باعث، اسلامی همکارلیک تشکیلاتی افغانستاده‌گی اوروش تامان‌لریدن زوروانلیک نی آزه‌یتیریب و مذاکره یولی بیلن تینچ‌لیککه ایریش‌لرینی سوره‌گن.

اوشبو تشکیلات نینگ عمومی کاتب‌خانه‌سی بیر اعلامیه‌ ترقه‌تیش بیلن، افغانستانده زوروانلیک و تینچ‌اهالی تلفات رقمی کوپه‌یگنیدن خواطر بیلدیرگن.

اوشبو تشکیلات، مذاکره قیلووچی هیأت‌لریدن تیزلیککه آتیش کیسین اعلام قیلیش‌لرینی سوره گن. تینچ‌لیک مذاکره‌سی باشلنگنیدن بویان آتیش کیسین ایسته‌گی عمل گه آشیریلمه‌گن بیر حالده، اسلامی همکارلیک تشکیلاتی اوشبو ایسته‌ک عمل‌گه آشیریلیشی نی سوره‌گن.

بوندن ایکی کون آلدین بنگلادیش اولکه‌سی نینگ دین عالم‌لری ” افغانستان‌ده تینچ‌لیک تامان چقیریش” آتی ده بیر ییغین اوتکزیب، افغانستانده‌گی جاری اوروش “حرام” بولگنی نی بیلدیرگن ایدیلر.

بنگلادیش دین عالم‌لری بیر اعلامیه ترقه‌تیش بیلن افغانستانده زوروانلیک آزه‌یشی نی سوره‌ب و تینچ‌لیک مذاکره دن حمایت قیلگنلر.

اسلامی همکارلیک تشکیلاتی و بنگلادیش دین عالم‌لری، دوحه شهریده‌گی تینچ‌لیک مذاکره‌‌سی ایریم قیینچیلیک‌لربیلن دوچ کیلگن بیر حالده، زوروانلیک رقمی آزه‌یشی و تینچ‌لیک مذاکره‌سی نینگ دوامی اوستیگه اورغوله‌گن ایدی.

بوندن آلدین افغانستان تینچ‌لیگی بوییچه امریکا خاص نماینده‌سی زلمی خلیلزاد تویتر صحفیه‌سیده یازیشیچه، افغانستانده‌گی خواطرلنترووچی وضعیت نینگ جوابی، سیاسی کیلیشووگه ایریشیش و زوروانلیک رقمی آزه‌یش دیر.

اونگه کوره، امریکا ” استثنایی” شکلده اوشبو موضوع اوستیگه تمرکز قیلگن و تیزلیککه تینچ‌لیککه قول تاپیش اوچون ایکی تامان نینگ اوستیگه باسیم کیلتیره‌دی.

جناب خلیلزاد، طالبان نینگ گروهی هجومی و افغان امنیتی کوچلری نینگ اشتباهی هجوم‌لرینی ” فاجعه‌لی” دیب ایتیشیچه، فاجعه‌لی حادثه‌لر یالغیز تخار ولایتیده یوز بیرگن ایمس، بلکیم بونده‌ی قانلی حادثه‌لر قطار ولایت یشاوچی‌لردن قربانلیک آلیشه‌دی.

سونگی بیر آیده زوروانلیک رقمی کوپه‌یگن بیر حالده، مملکت‌لر و اعتبارلی تشکیلات‌لر اوروش تامان‌لریدن زوروانلیک رقمی نی آزه‌یتیریب و آتیش کیسین اعلام قیلیش‌لرینی سوره‌شگن. بوندن بیر هفته آلدین خلق‌ارا کیچیریم تشکیلاتی بیر گزارش ترقه‌تیب افغانستان تینچ‌اهالیسی اوچون سنبله آیی نینگ ” اینگ قانلی” آی بولگنی نی بیلدیرگن ایدی.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام