پاکستان پایتختی اسلام‌آباد ده افغانستان ایلچیخانه‌سی نینگ ایتیشیچه، بوگون اوشبو مملکت نینگ کراچی قماقخانه‌لریدن یوزلب افغانستان‌لیک قوییب یوباریلگن و تیزلیک بیلن مملکت گه قیته‌دیلر. مذکور ایلچیخانه بوگون (شنبه، ۱۷ جدی) اوز توییتری ده، قوییب یوباریلگن‌لر آره‌سیده ۵۴ عیال و ۹۷ باله شامل دیب یازگن.
اسلام‌آباد ده افغانستان ایلچیخانه‌سی، اوز توییتری ده ترقه‌تگن ویدیوده محبوس‌لر قویب یوباریلیشینی کورسته‌دی.
بیزلرنینگ فیسبوک صحیفه‌میزگه باش اورینگ!
مذکور ایلچیخانه نینگ توییتر حسابی ده ترقه‌لگن علیحده ایکی ویدیو ده، قطار کیشی‌لر موترده کیته‌یاتگنلیگی کوریله‌دی. کراچی شهری قماقخانه‌سی ایچیدن آلینگن ایکینچی ویدیو ده، عیاللر و باله‌لر قماقخانه‌لردن چیقریله یاتگن‌لیگی کوریله‌دی.
پاکستان دولتی افغانستان‌لیک مهاجرلر گه اوتگن ییل ۳۱ دسمبرگچه اوز حجت‌لرینی اوزه‌یتیریش یا ده پاکستان دن چیقیش اوچون وقت بیرگن ایدی؛ عکس‌حالده حبس‌گه آلینیش‌لریدن آگاه‌لنتیرگن ایدی.
بیزلرنینگ توییترده هم تعقیب قیلینگ!
بیریلگن وقت یکونیدن کیین، پاکستان پولیسی تامانیدن افغانستان‌لیک مهاجرلرنی حبس گه آلیش جریانی باشلندی؛ بو مسئله خلق‌ارا نهادلر نینگ خواطر و مناسبت‌لری گه سبب بولگن.
