اوتگن کیچه ننگرهار ده دینی بیر مدرسه اوقووچیلری اوستیده هجوم اویوشتیریلدی که نتیجه‌ده، ۸ اوقووچی یره‌لندی. اوشبو واقعه مملکت‌ده خوفسیزلیککه قرشی قید ایتیلگن سونگی گزارش دیر.
شونده‌ی بیرحالده، اوتگن کون کابل گه نیچه راکت آتیلدی که ایتیلیشچه، افغانستان عالم‌لر بویوک ییغینی نی هدف قرار بیرگن ایکن. شونینگدیک بوندن آلدین، مملکت تورلی بولیم‌لریده شونگه اوخشش هجوم‌لر صورت تاپگن که مملکت ناتینچ‌لیگی خصوصیده برچه نینگ خواطرلری نی کوپه‌یتیرگن.
عین حالده، نظامی مسئله‌لر بیلرمانی اسلامی امارت سرپرست حکومتی و اهالی آره‌سیده‌گی مسافه نی مملکت‌ده ناتینچلیک عامل‌لریدن دیب و ایتیشیچه، اهالی حکومت گه ایشانگنی صورت‌ده، حکومت بیلن امنیت نی تامین‌لش اوچون همکارلیک قیلیشی ممکن.
بیزلرنینگ توییترده هم تعقیب قیلینگ!
نظامی مسئله‌لر بیرلرمانی اسد‌الله ندیم نینگ ایتیشیچه: «افغانستان وضعیتی خوفسیزلیک نظردن خواطرلنتیرووچی دیر. حاضرگی حکومت بو توغریده توجه قیلیب و فایده‌لی تدبیرلر نی قولگه آلیشی کیرهک. مردمی حکومت تشکیل بیریش بیلن اهالی اعتمادی نی جلب قیلیشی کیرهک، اهالی حکومت نی تایید قیلگنی صورت‌ده، اهالی حکومت بیلن همکار بولیب و امنیت تامین‌لنه‌دی.»
نظامی مسئله‌لر بیلرمانلریدن بیری سروری نیازی نینگ ایتیشیچه: «بوتون اهالی گه اولویت بیریلگنی، ظلم بولمه‌گنی و انسانی حقوق نظر گه آلینگنی صورت‌ده، حقیقی امنیت نینگ تامین‌لنیشی ممکن.»
تشقی نهاد‌لر و مملکت‌لردن قطاری دایم افغانستان ده ترورچیلیک گروه‌لر نینگ موجودلیگی خصوصیده خواطر بیلدیرگنلری بیرحالده، اوشبو مملکت‌ده خوفسیزلیک وضعیتی خصوصیده خواطرلر بیان بولگن.
شونینگدیک بیلرمان‌لردن قطاری نینگ ایتیش‌لریچه، اسلامی امارت کوچلری آره‌سیده ترورچیلیک گروه‌لر نینگ بارلیگی خصوصیده احتمال بار و مملکت‌ده ناتینچلیک و ثبات‌سیزلیک اوچون زمینه‌سازلیک قیله‌دیلر. اولر گه کوره، سرپرست حکومت امنیت نی تامین قیلیش اوچون حاضرگچه ضعیف عمل قیلگن.
بیزلرنینگ فیسبوک صحیفه‌میزگه باش اورینگ!
شونینگدیک نظامی مسئله‌لر بیلرمانلریدن بیری عبدالواحد طاقت نینگ ایتیشیچه: «بلکیم داعش و القاعده و باشقه گروه‌لر حاضرگی حکومت آدم‌لری آره‌سیده جایلشیب و اولر نینگ کوچلری آره‌سیده اوشبو هجوم‌لر نی انجام بیریش‌لری ممکن.»
گزارش‌لر اساسیده، اسلامی دولت (داعش) دیلگن خراسان شاخه‌سی اوتگن کون کابل شهریده یوز بیرگن هجوم‌لر نی بویینیگه آلگن. ایتیش کیرهک که، اسلامی امارت حکومتی نیچه مرته مملکت بویلب مکمل شکلده امنیت نینگ تامین‌لنیشی خصوصیده ایشانچ بیرگن، بیراق مملکت نینگ تورلی منطقه‌لری امنیت گه قرشی حادثه‌لر گه شاهد ایدی.
مملکت‌ده‌گی سونگی ناتینچ‌لیکلر گه تیگیشلی اسلامی امارت نینگ فکری نی آلیش ایسته‌دیگ؛ بیراق سوزلاوچیلری صحبت قیلیش گه حاضر بولمه‌دیلر.
