پاکستان میدیالری نینگ گزارشی اساسیده، بیر ایرکک کیشی اوشبو مملکت نینگ پنجاب ایالتی‌ده، ۷ کونلیک قیزینی تورته اوق بیلن آتیب اولدیرگن. گزارش‌لر اساسیده، بیرینچی فرزندی اوغیل بولمه‌گن لیگی طفیلی مذکور کیشی ۷ کونلیک فرزندینی تورته اوقیب بیلن آتیب اولدیرگن.
پنجاب ایالتی «میانوالی» منطقه‌سی پولیس مسئول‌لری نینگ ایتیشیچه، اوشبو واقعه بوگون یوز بیرگن و متهم قاچگن و اونی قولگه آلیش اوچون سعی-حرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
مذکور حادثه عین‌حالده یوز بیرگن که بوگون ۸ مارچ، خلق‌ارا خاتین قیزلر بیردملیک کونی دیر و اوشبو کونده پاکستان‌ده عیاللر حقوقی اوچون اعتراض‌لر و ییغین‌لر اوتکزیلیشی ریجه‌لنتیریلگن.
شو بیلن بیرگه، پاکستان مذهبی ایشلری بوییچه وزیری، اوتگن آی پاکستان باش وزیری عمران‌خان گه یوللـه‌گن مکتوبی‌ده، اوندن ۸ مارچ مناسبتی بیلن بیلبورد و شعارلر قوندیرمسلیگینی سوره‌گن ایدی.
باشقه تاماندن، پاکستان اسلام عالم‌لری جمعیت حزبی، اوشبو مملکتده زور بیلن ۸ مارچ نشانله‌نیشنی آلدینی آلیشینی بیلدیرگندی.
بیزلرنینگ توییترده هم تعقیب قیلینگ!
بو گَل بیانات‌لر عین‌حالده آچیقلنماقده که ۸ مارچ، خلق‌ارا خاتین قیزلر بیردملیک کونی، خاتین قیزلر حقوقی‌نی قوللب قوتلش اوچون هر ییلی دنیا بویلب نشانلنه‌دی.
