اوشبو گزارشده صحبت قیلگن ایریم عیاللر، اجتماعی چیکلاولر اولرنینگ حضوری باریب تعلیم آلیش گه توسیق بولگن، شو بیلن بیرگه آنلاین تعلیم منبعلری اولرنینگ اوقیشنی دوام ایتتیریشلری اوچون اینگ مهم واسطه گه ایلنگنینی ایتگنلر.
سلاموطندارنینگ ۳۲ عیال بیلن صحبت نتیجهسی شونی کورستهدی کی، اولرنینگ ۲۶ نفری آنلاین اوقیش آرقهلی اوقیش احتیاجلرینی حل قیلگن. عینحالده، اولرنینگ ۶ نفری کتابخانهلر و حضوری باریب تعلیم منبعلریدن فایدهلنهدی. شونینگدیک، ۱۰ نفری هم حضوری و هم آنلاین اوقیش منبعلریدن فایدهلنماقده.
بو عیاللر بدخشان، هلمند، بلخ و کابل یشاوچیلری بولگن. اولرنینگ ایتیشیچه، حضوری باریب کتابخانهلردن اساسی شکلده فایدهلنه آلمسلیک، اولرنی آنلاین و دیجیتال منبعلریدن کوپراق فایدهلنیشگه یونهلتیرگن.
کابللیک ۱۶ یاشلی بهاره شوندهی دییدی: «کتابخانهلر گه باریب فایدهلنه آلمهیمن و آنلاین منبعلردن فایدهلنه من. کوپراق اینترنت، تعلیمی ویدیولر، پیدیاف کبی دیجیتالی کتابلر و آنلاین کورسلردن اورگهنیش اوچون فایدهلنه من.»
کابل یشاوچیلریدن باشقه بیری ۲۳ یاشلی نازنین نظیری شوندهی دییدی: «کتابلر گه باریب فایدهلنه آلمهی من و کوپراق اینترنت آرقهلی تعلیمی منبعلردن فایدهلنه من.»
شو بیلن بیرگه، کابل یشاوچیلریدن ۱۷ یاشلی حوریا جنتی، ایکیله منبعدن فایدهلنیشگه قرهمسدن، اینترنتنی اورگهنیش اوچون اینگ قولی یول بیلهدی: «حضوری باریش همده آنلاین کتابخانهدن فایدهلنه من، ایکیله یول بیلن ایستهگن کتابنی تاپه آلهمن و تعلیمی منبعلر و آنلاین کتابخانهلردن هردایم قیله آلهمن فایدهلنسم.»
بلخ ولایتی مزارشریف یشاوچیسی ۱۹ یاشلی فاطمه درهصوفی گه کوره: «حضوری همده آنلاین کتابخانهدن فایدهلنه آلهمن. اوزیمگه باغلیق هر آی نیچه مرته کتابخانه گه باریش. ایکیله منبعدن فایدهلنه آلهمن هم کتاب و هم اینترنت. کتابخانهدن فایدهلنه آلمسم اوزیم آنلایندن فایدهلنهمن.»
شو بیلن بیرگه، کابللیک ۱۸ یاشلی صفیه و ۲۴ یاشلی ژمنه ویارنینگ ایتیشلریچه، اولر حضوری باریب تعلیمی منبعلردن فایدهلنیش اوچون اجتماعی، اقتصادی و عایلهوی قیینچیلیکلر بیلن روپهره دیر؛ بو مسئله اولرنینگ کتابخانهلردن فایدهلنیشینی ایریم قیینچیلیک بیلن دوچ قیلگن.
صفیه شوندهی دییدی: «ایریم پیتلر چیکلاولر بار، هردایم تشقریگه چیقیش قیزلر اوچون آسان ایمس عایلهلر اولرنینگ امنیتی و باشقه ساحهدهگی چیکلاولردن تشویش قیلهدی. افسوس بیلن احوال چتاق، امکانیت آز و عیالرنینگ کتابخانهلردن فایدهلنیشی کونسهیین چیکلنماقده.»
ژمنه ویار گه کوره: «اجتماعی معمالر بار بیری شوکی جمعیتده کتاب اوقیش مدنیتی رواجلنمهگن. مدنیت چیکلاولردن شوکی آدملر قیز و ییگیتنی کتاب اوقیش گه ترغیب قیلیش اورنیده کوپینچه پیتلر قیزلر گه توسقینلیک یرهتیشهدی و اولر باریب عمومی کتابخانهلردن کتاب ساتیب اوقی آلمهیدیلر.»
برچهسی بیلن اوشبو عیاللرنینگ ۶ نفری، آنلاین اوقیشلر خیلمه-خیللیک و صفت نقطهی نظردن یخشی بولسه-ده، بیراق اینترنت قیینچیلیگی سببلی اوندن فایدهلنه آلمسلیگینی ایتهدیلر. اولر گه کوره، حضوری کتابخانهلر گه باریش اولرنینگ تعلیم احتیاجلرینی ییترلیچه حل قیلگن.
بلخ یشاوچیسی ۱۹ یاشلی نرگس میرزایی شوندهی دییدی: «حضوری باریب کتابخانهدن فایدهلنه آلهمن. انده-سنده کتابخانه گه بارهمن فقط ضرورت بولگن کتابلرنی تاپیش اوچون. یعنی بو کی ایرکین کتابخانه گه باریب کیله آلهمن.»
کابل یشاوچیلریدن ۲۴ یاشلی روینا هم شوندهی دییدی: «حضوری باریب کوپینچه کتابلردن فایدهلنه آلهمن هر آی ایکی مراتبه بارهمن چونکی ایکی هفته ایچیده بیر کتابنی اوقی من.»
برچهسی بیلن، تعلیم بوییچه بیلرمانلرنینگ تأکیدلشیچه، کتابخانهلر و اوقیش، دستلب عیاللر اوچون اوقیش اصلی امکانیتی یرهتیلگن حالده معنا تاپهدی. اولرنینگ فکریچه، موجود چیکلاولر قیزلرنینگ رسمی اوقیشدن فایدهلنیشی، کیینگی برچه اوقیشلر جملهدن مطالعه و کتابخانهلردن فایدهلنیشیگه مستقیم تأثیری بار.
تعلیم بوییچه بیلرمان و بیلیم یورت استادی وحیدالله غروال شوندهی دییدی: «بیرینچیدن بیر جمعیتده خاتین-قیزلر گه اوقیش امکانیتی یرهتیلسه، مکتبلر و بیلیم یورتلر ایشیگی آچیق بولسه، کیین ایسه کیلیب خاتین-قیزلرنینگ اوقیش و مطالعه قیلیش رولی حقیده گپیرسهی.»
جمعیتشناسلرنینگ فکریچه، عیاللرنینگ کتابخانهلردن فایدهلنیشی فقط تعلیمی مسئله ایمس، بلکی مستقیم طرزده جمعیتده خبردارلیک درجهسی آشیشی و اجتماعی مشارکت بیلن باغلیق دیر. اولرنینگ ایشانچی گه کوره، بوتوغریدهگی چیکلاولر کینگ کولملی اجتماعی عاقبتلر گه آلیب کیلیشی ممکن.
جمعیتشناس عبدالسلام هاشمی شوندهی دییدی: «عیاللرنینگ کتابخانهدن فایدهلنیشی جمعیت رواجلنیشیگه آلیب کیلهدی. عیاللر بیلیم و مدنیت ساحهسیدهگی منبعلردن فایدهلنسه، اولرنینگ بیلیم درجهسی آشهدی و کیلهجک اولادلرنینگ تربیهسی، عایلهده قرار قبول قیلیشلر گه مثبت تأثیری بار. در حقیقت عیاللرنینگ اوقیشی مستقیم طرزده جمعیتنینگ دایمی ترقیاتیگه یاردم بیرهدی.»
اونینگ کوپهیتیریشیچه، عنعنوی قرهشلر، عایلهوی چیکلاولر، اجتماعی ناتینچلیک و امکانیتسیزلیک، عیالرنینگ کتابخانهلردن فایدهلنه آلمسلیک اساسی سببلریدن حسابلنهدی و بو احوال اجتماعی تینگسیزلیککه آلیب کیلیشی ممکن.
روانشناسلر، مطالعهنینگ روحی سلامتلیک، انگیزه و شخصی رواجلنیش گه مستقیم تأثیری بارلیگینی ایتهدیلر. روانشناس زهرا قیومینینگ ایتیشیچه: «کتاب اوقیش یا کی مطالعه عموم آلگنده تحصیل اوچون دیر همده انگیزه و روحی سلامتلیگیمیزگه نهایت تأثیری بار؛ کتاب اوقیگنده بعضی نرسهلردن خبردار بولهمیز، شخصیتیمیز، جمعیتیمیز و تیریکچیلیک قیلیب کیلهیاتگن دنیا حقیده. بو انگیزه تاپیلیشی گه آلیب کیلهدی.»
عیال حقوقی فعاللری، عیاللرنینگ کتابخانلردن اوزاق مدت دوامیده فایدهلنه آلمسلیگینی اولرنینگ کیلهجکدهگی امکانیتلر کمهیشی و جمعیتدهگی اورینلری ضعیف بولیشیگه ایشانیشهدی.
عیال حقوقی فعالی آینور اوزبیک شوندهی دییدی: «عیاللرنینگ کتاب و کتابخانهدن فایدهلنه آلمسلیگی کیلهجکده سلبی عاقبتی بار. افغانستاندهگی عیاللر بیلیمدن محروم بولیشی یانیده، پارلاق کیلهجکلری بولیشیدن هم محروم بولهدیلر. بیر قیز کتاب اوقی آلمسه و کتابخانهدن فایدهلنه آلمسه طبیعی کی سلبی عاقبتی بار و مستقللیگی قولیدن آلینهدی.»
اوشبو گزارشده، کتابخانهلر و کتاب ساتووچی دکانلر مسئوللرینینگ کتابخانهلر گه عیاللرنینگ مراجعتی همده اولرنینگ حضوری کیلیب تعلیمی منبعلردن فایدهلنیشی حقیده فکر-ملاحظهسینی اورگهنیشگه حرکت قیلدیک، بیراق اکثریت کتابخانهلر معلومات بیریش یا کی مصاحبه قیلیش گه راضی بولمهدی و ایریم کتاب ساتووچی دکانلر هم جواب بیریشدن باش تارتدی.
سونگی ییللرده افغانستانده عیاللرنینگ رسمی تعلیمگه کیریش امکانیتی چیکلنگنی سببلی، آنلاین تعلیم منبعلریدن فایدهلنیش آرتگن. کوپلب عیاللر اوقیشنی دوام ایتتیریش اوچون اینترنت، دیجیتالی کتابلر و آنلاین کورسلر گه مراجعت قیلگن. بیراق آست قوریلمهلر ضعیفلیگی، اینترنت نرخی یوقاریلیگی و اجتماعی معمالر سببلی بو امکانیت برچه عیاللر اوچون بیر خیل ایمس، شو بیلن بیرگه، فعال کتابخانهلرنینگ کملیگی هم حضوری باریب اورگنیش امکانیتلرینی ینهده قیینلشتیرگن.
